Cydlynydd marchnata digidol

Pwrpas y Swydd

Byddwch yn ymuno â thîm marchnata prysur gyda chyfleoedd i dyfu a datblygu yn y rôl. Byddwch yn gweithio'n uniongyrchol o dan Reolwr Marchnata'r Grŵp ac yn rhan o dîm digidol sy'n gyfrifol am reoli cynnwys gwefan, marchnata e-bost a mewnrwyd y cwmni yn ogystal â chefnogi anghenion gweithredol yr adran yn ôl yr angen.

Yn ddelfrydol, byddwch wedi gweithio mewn swydd ddigidol cyn i chi edrych am eich rôl nesaf i ehangu eich profiad marchnata a datblygu eich sgiliau digidol ymhellach.

Prif ddyletswyddau a chyfrifoldebau:

Cefnogi'r gwaith o reoli cynnwys gwefan

• Creu a llwytho cynnwys yn y Gymraeg a'r Saesneg i wefannau'r cwmni yn unol â'r cynllun rheoli cynnwys.
• Darparu cefnogaeth ar gyfer prosiectau datblygu ar y we yn y dyfodol yn ôl yr angen
• Defnyddio Google Analytics i gasglu, dadansoddi ac adrodd ar ddadansoddiadau gwefan

Cefnogi mewnrwyd y cwmni     

• Creu a llwytho cynnwys ar fewnrwyd y cwmni gan weithio gyda'r adrannau Adnoddau Dynol, Technoleg Gwybodaeth ac adrannau eraill.

• Darparu cefnogaeth ar gyfer prosiectau datblygu'r fewnrwyd yn y dyfodol yn ôl yr angen.

Cefnogi marchnata trwy e-bost

• Adeiladu e-ymgyrchoedd rheolaidd gan ddefnyddio offer marchnata e-bost trydydd parti (fe ddarperir hyfforddiant).
• Creu a rhedeg ymgyrchoedd glanhau ar gyfer y gronfa ddata RhPC
• Cefnogi'r broses gofrestru e-bost gan gynnwys diweddaru RhPC y cwmni

Marchnata ad hoc

• Codi unrhyw orchmynion prynu ar gyfer gweithgarwch digidol - hysbysebu, datblygu a Gwaith cynnal a chadw perhtnasol i'r we.
• Ymgymryd ag unrhyw dasg arall a ddiffinnir gan Reolwr Marchnata'r Grŵp i ddiwallu anghenion gweithredol yr adran

Gwybodaeth, sgiliau, galluoedd a phrofiad

Hanfodol

• Person angerddol ynghylch popeth digidol gydag ymwybyddiaeth dda o'r dirwedd ddigidol gyfredol.
• Gwybodaeth a phrofiad marchnata digidol.
• Gwybodaeth a phrofiad o hanfodion dadansoddiadau gwe.
• Gwybodaeth a phrofiad o ddefnyddio gwahanol gymwyseddau / pecynnau TG, gan gynnwys RhPC, systemau rheoli cynnwys (Drupal yn ddelfrydol) ac MS Office
• Chwaraewr tîm da sy'n gallu ymgymryd â gwahanol rolau pan fo hynny'n briodol ac yn meddu ar brofiad o adeiladu perthynas gyda thimau eraill
• Sgiliau trefnu cryf a sylw craff am fanylion.
• Sgiliau datrys problemau, dylanwadu a negodi cryf.
• Sgiliau gwrando a chyfathrebu ysgrifenedig ac ar lafar ardderchog
• Agwedd benderfynol a gyriant personol i gyflawni amcanion gyda chanlyniadau o safon uchel.

Dymunol

• Profiad o ysgrifennu cynnwys ar-lein (tudalennau gwefan, blogiau)
• Gwybodaeth ganolraddol o ddadansoddiadau gwe ac offer dadansoddi'r we (tracio / olrhain, cwcis, ac ati)
• Profiad yn y sector ariannol
• Dealltwriaeth dda o rôl Banc Datblygu Cymru yn economi Cymru, yr economi, diwydiant a masnach yng Nghymru yn ogystal ag anghenion buddsoddi busnesau bach a chanolig
• Yr Iaith Gymraeg
• Cymhwyster marchnata cydnabyddedig (yn ddelfrydol gradd neu ddiplomâu CIM / IDM)
• Trwydded yrru lawn

Y dyddiad cau yw'r 20ain o Mehefin.

I wneud cais anfonwch eich ffurflen gais at: recriwtio@bancdatblygu.cymru

Ffurflen gais