Gweinyddydd Cymorth Buddsoddi

Pwrpas y swydd

Sicrhau bod y lefel uchaf o gymorth buddsoddi a chefnogaeth weinyddol yn cael ei ddarparu ar gyfer pob agwedd o weithgaredd buddsoddi eiddo a hynny’n effeithlon ac yn broffesiynol.

Darparu cefnogaeth weithredol arbenigol wrth gyflawni datblygiad parhaus yr adran a swyddogaethau o ddydd i ddydd.

Prif ddyletswyddau a chyfrifoldebau

Gan weithio i'r adran Eiddo, bydd gofyn i chi ddarparu cymorth weinyddol effeithiol gan gynnwys ond heb fod yn gyfyngedig i:

• Cynorthwyo'n agos gyda'r broses o gwblhau buddsoddiadau a chytundebau, gan gynnwys cydlynu dogfennau cyfreithiol a thynnu i lawr a gwiriadau credyd cyn tynnu arian i lawr. Yn benodol, darparu cefnogaeth ar gyfer casglu a gwirio ffeiliau buddsoddi cyn eu tynnu i lawr.
• Paratoi dogfennau, adroddiadau, cofnodion ac agendâu i gefnogi cyfarfodydd tîm misol ac adolygiadau cymheiriaid buddsoddi.
• Darparu rôl gydlynu ganolog gan sicrhau deialog parhaus gydag ymgeiswyr ac o fewn yr adran o ran cynnydd a gweithgaredd.
• Rheoli'r holl ddogfennau buddsoddi a systemau cipio data gan gynnwys CRM, SharePoint a systemau cynllunio.
• Cymryd cyfrifoldeb am brosesu ariannol, gan gynnwys codi archebion prynu a phrosesu anfonebau.
• Cydlynu presenoldeb mewn cyfarfodydd, seminarau a digwyddiadau priodol.
• Datblygu, dros amser, dealltwriaeth o, a phrofiad o, bob agwedd ar y broses fuddsoddi
• Lle bo angen, bod yn gyfrifol am sgrinio ceisiadau yn ystod y camau cyntaf, ymgymryd ag ymchwil er mwyn gwneud asesiad ac ymateb i gleientiaid yn ffurfiol, gan ofyn am wybodaeth bellach os oes angen.
• Ymgymryd ag unrhyw dasg arall a ddiffinnir gan Reolwr y Gronfa i ddiwallu anghenion gweithredol yr adran.

Gwybodaeth, sgiliau, galluoedd a phrofiad

Hanfodol

• Sgiliau cyfathrebu a rhyngbersonol ysgrifenedig a llafar cryf
• Sgiliau trefnu a gweinyddu cryf
• Yn meddu ar hunan-gymhelliant a'r gallu i weithio'n annibynnol ac fel rhan o dîm
• Hyderus yn eich gallu chi eich hun i wneud penderfyniadau
• Y gallu i flaenoriaethu a threfnu gwaith dan bwysau
• Ymagwedd benderfynol tuag at gwblhau tasgau o safon uchel ac o fewn terfynau amser heriol
• Llygad graff am fanylion
• Wedi ymrwymo i ddatblygu gwybodaeth ac arbenigedd
• Wedi'ch addysgu hyd at addysg gyffredinol o safon dda - TGAU, NVQ Lefel 2/3 neu safon gyfatebol
• Yn brofiadol ac yn fedrus mewn cymwysiadau TG / PC safonol gan gynnwys Word, Excel, PowerPoint, Lotus Notes

Dymunol 

• Siaradwr Cymraeg
• Gwybodaeth a dealltwriaeth o'r amgylchedd Busnes yng Nghymru
• Sgiliau cyflwyno
• Profiad o ddadansoddi gwybodaeth ariannol

Ymgeisiwch

I ymgeisio am unrhyw swyddi gwag sydd gennym, dilynwch y ddolen yma os gwelwch yn dda