Swyddog strategaeth - prosiectau

Rydyn ni'n bwriadu recriwtio swyddog strategaeth a fydd yn seiliedig yn Caerdydd.

Pwrpas y swydd

Y tîm Strategaeth sy'n gyfrifol am flaen gynllunio a ffurfio strategaethau ar gyfer Banc Datblygu Cymru. Yn benodol, mae'r tîm yn gyfrifol am ddatblygu'r Cynllun Blynyddol a Chorfforaethol a'r Cerdyn Sgorio Cytbwys. Mae'r tîm Strategaeth yn arwain ar ddatblygu Cronfeydd newydd gan gynnwys cyrchu a chynnig syniadau ar gyfer cynhyrchion a gwasanaethau newydd, gan weithio gyda rhanddeiliaid mewnol ac ymgynghorwyr i sefydlu dichonolrwydd Cronfeydd a modelau gweithredu, ac ar gyfer paratoi achosion busnes. Fel mynegiad, mae'r tîm yn gyfrifol am godi Cronfeydd newydd o oddeutu £80m y flwyddyn ar sail gyfartalog (sydd gyfystyr ag amnewid y  swm a dargedir i'w fuddsoddi yng Nghymru yn flynyddol erbyn 2022). Mae'r tîm hefyd yn gyfrifol am sganio gorwelion, ymchwil allanol, cynnal adolygiadau a gwerthusiadau o Gronfeydd, yn ogystal â rheoli allbynnau Dirnad Economi Cymru. Yn ychwanegol at hynny, mae'r tîm Strategaeth yn gyfrifol am y Swyddfa / Rhaglen Rheoli Prosiect, y rhyngwyneb â Swyddfa Cyllid Ewropeaidd Cymru, Llywodraeth Cymru a nifer o grwpiau rhanddeiliaid eraill.

Bydd rôl y Swyddog Strategaeth-Prosiectau yn cynnwys cefnogi datblygiad, gweithrediad a chynnal rheolaeth barhaus o swyddogaeth Swyddfa Prosiect BDC, gan sicrhau cysondeb o ran dull gweithredu ac effeithlonrwydd ar draws meysydd rheoli prosiect y Grŵp. Bydd yn cynnwys rhoi cyngor ac arweiniad ar safonau prosiect i brosiectau newydd yn ogystal â darparu swyddogaeth cefnogi prosiect ar gyfer prosiectau mwy. Yn ogystal, bydd y rôl yn darparu cefnogaeth ehangach i'r tîm Strategaeth gan gynnwys ymchwil cynnar a datblygu syniadau ar gyfer cynnyrch newydd ac arwain at gefnogaeth prosiect ar gyfer rowlio cronfeydd a gwasanaethau newydd allan yn weithredol.

Prif ddyletswyddau a chyfrifoldebau

  • Datblygu a chynnal cyfres o ddogfennau prosiect a chanllawiau prosiect i'w defnyddio ar draws BDC i sicrhau effeithlonrwydd a chysondeb wrth gyflawni prosiectau rheoli mewnol.
  • Cynorthwyo'r Rheolwr Cynnyrch a Chynllunio wrth ddatblygu Safonau Prosiect mewnol i'w cyflwyno ar draws y sefydliad.
  • Datblygu perthnasoedd cryf ar draws adrannau Grwpiau BDC i ymgorffori diwylliant  rhaglennu a rheoli prosiectau effeithiol o fewn gweithrediadau.
  • Cefnogi'r Tîm Strategaeth wrth nodi a datblygu syniadau cynnyrch a gwasanaeth Newydd
  • Darparu ymchwil a datblygu cynhwysfawr i gefnogi datblygiad cynnyrch a gwasanaethau newydd, gan gynnwys sesiynau briffio ar ganfyddiadau allweddol.

  • Cefnogi'r Tîm Strategaeth wrth nodi a datblygu syniadau cynnyrch a gwasanaeth Newydd
  • Rheoli prosiect y gofynion gweithredu cronfeydd neu wasanaethau newydd gan weithio gyda thimau ar draws y sefydliad er mwyn sicrhau fod pethau wedi’u sefydlu a bod yr anghenion gwybodaeth yn cael eu rheoli'n effeithiol.
  • Cynorthwyo i ddatblygu a chwblhau'r Cynllun Busnes Blynyddol
  • Cefnogi'r gwaith o gwblhau'r Cerdyn Sgorio Cytbwys ac adrodd bob chwarter yn erbyn targedau'r cynllun busnes
  • Cynorthwyo gyda'r gwaith o baratoi ar gyfer digwyddiadau a chyflwyniadau Strategaeth, ar gyfer rhanddeiliaid mewnol ac allanol
  • Unrhyw dasg arall y gellir ei diffinio gan y Tîm Strategaeth i ddiwallu anghenion gweithredol yr adran

Gwybodaeth, sgiliau, galluoedd a phrofiad

Hanfodol 

  • O leiaf dwy flynedd o brofiad o reoli prosiectau neu ddarparu cymorth prosiect
  • Y gallu i flaenoriaethu yn ôl anghenion newidiol y busnes a gweithio i derfynau amser
  • Sgiliau TG gan gynnwys y defnydd o Word, Excel, PowerPoint
  • Sgiliau ymchwil cryf
  • Sgiliau rhyngbersonol ardderchog
  • Sgiliau ysgrifennu adroddiadau rhagorol.
  • Gwybodaeth dda am ddiwydiant a masnach, yn enwedig yn ymwneud ag anghenion ariannol BBaCh
  • Profiad cynllunio strategol / busnes
  • Galluoedd ymchwil cryf
  • Y gallu i weithredu ar lefel strategol.

Dymunol

  • Dealltwriaeth o'r Banc Datblygu Cymru a'i weithgareddau
  • Dealltwriaeth ragorol o bolisi Economaidd Llywodraeth Cymru
  • Siaradwr Cymraeg

I wneud cais anfonwch eich ffurflen gais at: recriwtio@bancdatblygu.cymru

Ffurflen gais