Pwrpas y swydd
Rôl y Gweithredwr Buddsoddi Cynorthwyol (AIE) yw darparu cymorth gyda thrafodion, o’r dechrau i’r diwedd, i’r Tîm Buddsoddiadau Sbarduno Technoleg ehangach. Gan weithio ochr yn ochr â Swyddogion Gweithredol Buddsoddi/Uwch Swyddogion Gweithredol Buddsoddi a Rheolwyr Cronfeydd, bydd y Gweithredwr Buddsoddi Cynorthwyol yn cael cyfle i arwain rhai agweddau ar drafodion Buddsoddiadau Sbarduno Technoleg, gan gynnwys cau rhai cytundebau Buddsoddiadau Sbarduno Technoleg llai, yn dilyn hyfforddiant. Bydd y rôl hefyd yn cynnwys monitro asedau portffolio Buddsoddiadau Sbarduno Technoleg a thasgau cysylltiedig, a darparu cefnogaeth ad hoc.
Bydd gan ddeiliad y swydd sgiliau rhyngbersonol datblygedig, gyda diddordeb amlwg mewn buddsoddi mewn technoleg, sylw i fanylion ac agwedd ymarferol ragweithiol.
Byddem yn disgwyl i’r ymgeisydd ddatblygu’n Swyddog Gweithredol Buddsoddi fel arfer o fewn cyfnod o 2-3 blynedd, yn dibynnu ar brofiad.
Prif Ddyletswyddau a Chyfrifoldebau (yn annibynnol a/neu dan oruchwyliaeth)
Bydd yn ofynnol i Weithredwr Cynorthwyol Buddsoddiadau Sbarduno Technoleg wneud y canlynol:-
- darparu cymorth gyda thrafodion i Swyddogion Gweithredol Buddsoddi/Uwch Swyddogion Gweithredol Buddsoddi/Rheolwyr Cronfeydd yn y tîm Buddsoddiadau Sbarduno Technoleg i helpu i asesu a chwblhau cyfleoedd buddsoddi newydd;
- bod yn rhan o’r broses o negodi telerau masnachol a’u trosi’n ddogfennau sy’n rhoi amlinelliad o’r telerau /cyfarwyddiadau cyfreithiol/dogfennau buddsoddi;
- cysylltu â darparwyr diwydrwydd dyladwy allanol, gan gwmpasu aseiniadau gwaith a negodi’r gwerth gorau am arian i gleientiaid.
- Ar ôl cyfnod cychwynnol o hyfforddiant, byddai disgwyl i Weithredwr Buddsoddi Cynorthwyol allu cau buddsoddiadau llai gyda goruchwyliaeth gan uwch gydweithwyr.
- Bwrw iddi i chwilio am gyfleoedd ar gyfer Buddsoddiadau Sbarduno Technoleg drwy gynnal cysylltiadau a rhwydweithiau gyda darparwyr busnes a chyfryngwyr allweddol, a mynd i ddigwyddiadau yn ôl yr angen.
- Cyfrannu at farchnata/hyrwyddo Banc Datblygu Cymru.
Mae cyfrifoldebau eraill yn cynnwys y canlynol:
Buddsoddiad
Mynychu cyfarfodydd gyda chleientiaid a chyfryngwyr i sicrhau Buddsoddiadau Sbarduno Technoleg llwyddiannus.
Sgrinio ceisiadau yn ystod y camau cychwynnol. Gwneud gwaith ymchwil er mwyn cynnal asesiad, ac ymateb yn ffurfiol i gleientiaid er mwyn gwrthod neu ofyn am ragor o wybodaeth os oes angen.
- Helpu i baratoi papurau cryno ac adroddiadau sancsiwn a chyflwyno achosion buddsoddi ar gyfer sancsiwn.
- Adolygu modelau ariannol a chynorthwyo gyda’r broses dadansoddiad ariannol, gan gynnwys awgrymu a chynnal dadansoddiadau o sensitifrwydd ar gyfer cyfleoedd buddsoddi newydd a phresennol.
- Cynnal diwydrwydd dyladwy o ran gwaith masnachol, ariannol, rheoli a thechnegol wrth ystyried cyfleoedd buddsoddi.
- Bod yn benderfynol wrth wneud penderfyniadau, cymryd cyfrifoldeb a bod yn barod i gael sgyrsiau a allai fod yn anodd gyda chleientiaid posibl/presennol.
- Cynnal a datblygu gwybodaeth am y diwydiant a deall arferion gorau o ran gweithgareddau buddsoddi.
- Lledaenu enghreifftiau o arferion gorau ar gyfer gwneud cais i’r Gronfa Buddsoddiadau Sbarduno Technoleg i gyflwynwyr busnes allweddol, a sicrhau bod y broses ymgeisio yn ei mireinio a’i gwella’n barhaus er mwyn darparu’r gwasanaeth gorau posibl i’r cleient.
Rheoli Portffolio
- Bod yn gyfrifol am reoli portffolio o Fuddsoddiadau Sbarduno Technoleg.
- Cynnal cyswllt rheolaidd (fel arfer yn fisol), cymesur â busnesau cleientiaid yn y portffolio i sicrhau dealltwriaeth gyfredol o’u hamgylchiadau a meithrin perthnasoedd cynhyrchiol â rheolwyr. Rhaid i strategaethau cyswllt gael eu teilwra’n unol ag amgylchiadau’r busnes dan sylw.
- Casglu cymaint â phosibl o ddata Dangosyddion Perfformiad Allweddol cywir gan fusnesau portffolio mewn modd amserol, gan gynnwys ysgrifennu adroddiadau/diweddaru dangosfyrddau yn dilyn cyfarfodydd â chleientiaid.
- Defnyddio’r matrics risgiau i argymell gradd perfformiad a deall pryd mae angen uwchgyfeirio perfformiad i’r Tîm Risg.
- Dangos y gallu i ychwanegu gwerth i gwmnïau portffolio sy’n fwy na monitro’n unig.
Cymorth ychwanegol
- Goruchwylio’r gwaith o gwblhau’r broses buddsoddi ar eich trafodion penodol, gan weithredu fel pwynt cymeradwyo cychwynnol, a sicrhau bod holl amodau’r sancsiwn wedi’u bodloni.
- Rhoi arweiniad i Ddadansoddwr Cynorthwyol Buddsoddi TSF y Tîm Buddsoddiadau Sbarduno Technoleg.
- Cwblhau tasgau ad-hoc fel y’u diffinnir gan Swyddogion Gweithredol Buddsoddi, Uwch Swyddogion Gweithredol Buddsoddi, Rheolwyr Cronfeydd neu’r Cyfarwyddwr Cronfa i fodloni anghenion gweithredol y tîm Buddsoddiadau Sbarduno Technoleg.
Gwybodaeth, sgiliau, galluoedd a phrofiad
Hanfodol:
- Yn gallu cymell eich hun, gyda’r gallu i weithredu’n rhagweithiol a gweithio’n effeithiol heb lawer o oruchwyliaeth.
- Yn gyfforddus yn delio â gwaith sensitif i gleientiaid lle mae amser yn hollbwysig.
- Canolbwyntio ar ganlyniadau. Y gallu i flaenoriaethu a threfnu eich llwyth gwaith a gweithio’n effeithiol dan bwysau, a chyrraedd targedau.
- Sgiliau rhyngbersonol, cyfathrebu a dylanwadu da Y gallu i addasu eich dull gweithio eich hun er mwyn meithrin perthnasoedd gwaith cynhyrchiol.
- Sgiliau datrys problemau
- Sgiliau trefnu a gweinyddu cryf.
- Rhoi sylw i fanylion
- Wedi ymrwymo i ddatblygu gwybodaeth ac arbenigedd mewn cyfalaf menter.
- Sgiliau cyflwyno rhagorol a lefel uchel o gymhwysedd gyda chynnyrch MS Office safonol fel Word, PowerPoint ac Excel yn benodol.
- Sgiliau ymchwil cryf, gyda’r gallu i gymhathu, hidlo a chadw llawer o wybodaeth yn gyflym.
- Gallu gweithio’n annibynnol ac fel aelod o dîm.
- Gradd wyddonol uwch a/neu gymhwyster proffesiynol.
Dymunol:
Profiad o fuddsoddi mewn mentrau cyfalaf.
Gwybodaeth a dealltwriaeth o’r amgylchedd buddsoddi cynnar mewn technoleg.
Gwybodaeth a dealltwriaeth o rôl y sector cyhoeddus o ran cyllid ar gyfer busnesau bach a chanolig.
Gwybodaeth a dealltwriaeth o’r amgylchedd Busnes yng Nghymru
Gallu siarad Cymraeg.
Y ddolen i wneud cais yw: https://developmentbankofwales.current-vacancies.com/Jobs/Advert/3626406?cid=3203
