Swyddog Gweithredol Sicrhau Ansawdd

Pwrpas y swydd

Mae’r tîm Sicrhau Ansawdd yn chwarae rhan allweddol yn fframwaith rheoli risg Banc Datblygu Cymru, gan gyfrannu at hygrededd ac enw da’r Grŵp fel rheolwr cronfeydd effeithiol a phroffesiynol.

Mae’r swydd yn cynnwys gwneud gwaith monitro cydymffurfiaeth yn uniongyrchol, tynnu sylw at feysydd nad ydynt yn cydymffurfio, neu feysydd gwan a bregus, a chyfrannu at y gwaith o gynllunio a gweithredu newid a rheolaethau gweithdrefnol er mwyn sicrhau’r effeithlonrwydd gorau posibl wrth weithredu o fewn goddefiannau risg y Grŵp mewn perthynas â’r canlynol:

• Samplu ffeiliau Buddsoddi, Portffolio a Gwasanaethau Eiddo; 
• Adolygiadau thematig a gweithgarwch dwys;
• Cydlynu gweithdrefnau buddsoddi a thempledi dogfennau;
• Cefnogi a chynghori ar faterion sy’n ymwneud â chydymffurfiaeth, gan gynnwys AML / CDD, data effaith a chymhwysedd buddsoddi;
• Dilysu ac adrodd ar ddata effaith;
• Rheoli Fframwaith Polisi’r Grŵp yn ganolog;
• Cefnogi cydymffurfiad y Pwyllgor Archwilio a Risg (ARC) ac Adrodd gan y Bwrdd ac Asedau Cleientiaid (CASS), yn unol â gofynion yr Awdurdod Ymddygiad Ariannol.

Fel gweithiwr arfer gorau mewn perthynas â gweithdrefnau buddsoddi, AML / CDD a data effaith, bydd deiliad y swydd yn datblygu ac yn darparu hyfforddiant ac yn darparu arweiniad ad hoc i gydweithwyr ar bob lefel ar draws ochr fuddsoddi'r busnes.

Bydd deiliad y swydd yn gyfrifol am gymryd rhan mewn prosiectau gweithredol gyda staff buddsoddi, y tîm technegol a staff gwasanaethau canolog, a sicrhau bod agweddau gweithredol y broses fuddsoddi yn cael eu cyfathrebu a’u hymgorffori’n effeithiol yng ngwaith y prosiect.

Prif Ddyletswyddau a Chyfrifoldebau:

• Cynnal adolygiadau ansoddol cyn ac ar ôl buddsoddi o ffeiliau buddsoddi’r Grŵp i sicrhau cydymffurfiaeth â Chanllawiau Gweithredu Mewnol, gweithdrefnau buddsoddi a Pholisi'r Grŵp, gan gadw cofnodion cywir o weithgarwch samplo ffeiliau.
• Pan ganfyddir gwendidau, cynnal dadansoddiad o wraidd y broblem a rhoi adborth ar hepgoriadau / anghysondebau mewn ffeiliau buddsoddi. Cefnogi’r timau gweithredol i ddylunio a gweithredu rheolaethau effeithiol.
• Cynnal adolygiadau thematig a samplo dwys ar ddull gweithredu sy’n seiliedig ar risg.
• Dilysu’r holl ddata effaith sy’n ymwneud â gweithgarwch buddsoddi, sicrhau adroddiadau cywir a darparu adborth i dimau buddsoddi.
• Cysoni dogfennau diogelwch yn gorfforol i gefnogi'r Uwch Swyddog Sicrhau Ansawdd a'r Rheolwr Chydymffurfiaeth mewn perthynas â thystiolaethu cydymffurfiaeth CASS.
• Cefnogi’r gwaith o baratoi adroddiadau ARC, y Bwrdd a CASS.
• Cynnal Cofrestr Polisi ganolog ar gyfer y Grŵp.
• Darparu canolfan ragoriaeth ar gyfer delio ag ymholiadau gan staff buddsoddi, mewn perthynas â Pholisïau, gweithdrefnau a chanllawiau perthnasol, gan gynnwys AML, Diwydrwydd Dyladwy Cwsmeriaid, Egwyddor y Ddyletswydd Defnyddwyr a delio â chwsmeriaid sy’n agored i niwed, Proses Gwynion, data effaith a phrosesau gweithredol y Grŵp.
• Adolygu effeithiolrwydd gweithdrefnau samplu ffeiliau ac argymell a chyflawni gwelliannau drwy gysylltu â’r Uwch Swyddog Gweithredol Sicrhau Ansawdd a’r Rheolwr Cydymffurfiaeth.
• Cefnogi’r gwaith o reoli a chynnal a chadw templedi buddsoddi craidd (ac eithrio rhai cyfreithiol) a gweithdrefnau gweithredu buddsoddi yn ganolog.
• Datblygu a darparu hyfforddiant rheolaidd ar gyfer materion perthnasol sy’n ymwneud â sicrhau ansawdd a chydymffurfiaeth.
• Unrhyw dasg arall a ddiffinnir gan yr Uwch Swyddog Sicrhau Ansawdd a'r Rheolwr Chydymffurfiaeth i ddiwallu anghenion gweithredol yr adran.

Gwybodaeth, Sgiliau, Cymwysterau a Phrofiad

Hanfodol 

• Gallu cymell eich hun, gyda’r gallu i weithredu’n rhagweithiol a gweithio’n effeithiol heb oruchwyliaeth.
• Cymhelliant a phenderfyniad i gwblhau gwaith yn gywir, yn gyson ac i safon uchel.
• Meddwl rhesymegol a chwilfrydig a llygad am fanylion. Y gallu i feddwl yn greadigol a chyflwyno datrysiadau arloesol i broblemau a nodwyd.
• Y gallu i gadw gwybodaeth fanwl ac arddangos barn eang, er mwyn deall goblygiadau newid trefniadol ar draws y busnes.
• Defnyddio barn gadarn yn gyson, er enghraifft wrth ddefnyddio dull gweithredu seiliedig ar risg y Grŵp o ran Diwydrwydd Dyladwy Cwsmeriaid.
• Dealltwriaeth eang o reoli risg yn y sector ariannol a gallu ei gymhwyso i’r Grŵp.
• Gwerthfawrogiad o’r manteision i’r Grŵp o gael polisïau a gweithdrefnau o ansawdd uchel i fod yn sail i weithgareddau buddsoddi.
• Y gallu i reoli a threfnu gwaith o dan bwysau a chwrdd â therfynau amser.
• Sgiliau rhyngbersonol cadarn a’r gallu i gyfathrebu a dylanwadu’n effeithiol, gan herio am ragor o wybodaeth lle bo angen, gyda staff o bob lefel ar draws y Grŵp.
• Profiad o weithio mewn amgylchedd ariannol / rhifyddol neu amgylchedd archwilio / wedi’i reoleiddio.
• Yn hyddysg ym maes TG / cyfrifiaduron ac yn gallu defnyddio pecynnau Microsoft Office

Dymunol 

• Dealltwriaeth o’r rhwymedigaethau ar fusnesau gwasanaethau ariannol o ran mynd i’r afael â throseddau ariannol.
• Dealltwriaeth o’r rhwymedigaeth ar fusnesau gwasanaethau ariannol i fodloni Dyletswydd Defnyddwyr yr FCA.
• Dealltwriaeth eang o ddyled, mesanîn a buddsoddiadau ecwiti.
• Y gallu i siarad Cymraeg.

Ymgeisiwch

I ymgeisio am unrhyw swyddi gwag sydd gennym, ewch i ein tudalen recriwtio