Cyfrifydd Perfformiad Buddsoddiadau

Pwrpas y swydd

Pwrpas y rôl yw cynorthwyo i ddatblygu a gwella Gwybodaeth Reoli a dadansoddiadau perthnasol eraill, yn ogystal â chyfrannu at gyflawni amcanion ehangach y Timau Cyllid.

Prif Ddyletswyddau a Chyfrifoldebau:

• Bod yn gyfrifol am gynhyrchu gwybodaeth reoli fisol (gan gynnwys yr Adroddiad Rheoli Gweithredol) ac adolygiadau dadansoddol misol.
• Nodi a chyflwyno pwyntiau diddordeb lefel uchel o'r adroddiadau niferus y mae'r Cwmni yn eu cynhyrchu i gefnogi dehongliad o'r canlyniadau misol.
• Bod yn gyfrifol am gynhyrchu adroddiadau ariannol chwarterol ar gyfer rhai Cronfeydd.
• Deall y setiau data amrywiol sydd gan y Cwmni mewn perthynas â'i fuddsoddiadau a'i gwmnïau y buddsoddir ynddynt gan gyfeirio at ddehongli perfformiad buddsoddi.
• Bod yn gyfrifol am goladu, cysoni ac adrodd ar Ddangosyddion Perfformiad Allweddol (DPA) i Lywodraeth Cymru.
• Arwain ar a dwyn ynghyd y wybodaeth ar berfformiad cyllidebol Llywodraeth Cymru i'w hadolygu gan yr uwch dîm cyllid.
• Gweithio gyda systemau adrodd (ee, Fframwaith, Pancredit, CRM ac ati) er mwyn adolygu mewnbynnau i sicrhau cywirdeb ac optimeiddio'r wybodaeth sydd ar gael ac i fewnbynnu i reolaeth data strategol cyffredinol y Cwmni.
• Dealltwriaeth dda o'r modelau a'r technegau modelu sy'n cael eu defnyddio ar hyn o bryd yn y Cwmni a diweddaru (yn fisol/chwarterol ac ati) modelau ariannol rhagolygon amrywiol cronfeydd Banc Datblygu Cymru i'w hymgorffori yng nghyllideb reolaidd Llywodraeth Cymru ac adrodd ar berfformiad alldro.
• Gweithredu fel cyswllt rhwng y Tîm CRh&C a'r Tîm Cyfrifon Rheoli i sicrhau adroddiadau cydgysylltiedig i randdeiliaid.
• Dirprwyo ar ran y Cyfrifydd Rhagolygon a Chynllunio yn ôl yr angen.
• Gweithio gyda'r Tîm Cyllid i ddatblygu a gwella'r systemau cyfrifyddu a systemau cysylltiedig (gan gynnwys awtomeiddio adrodd gan ddefnyddio Power BI ac offer tebyg) yn unol ag arfer gorau.
• Cefnogi'r gwaith o reoli gweithdrefnau cyfrifyddu a rheolaeth ariannol sy'n diogelu asedau'r cwmni. Nodi meysydd gwendid yn rhagweithiol a gweithio ar draws adrannau er mwyn nodi / gweithredu gwelliannau.
• Cydweithredu ag archwilwyr, cynghorwyr a rhanddeiliaid yn ôl yr angen.
• Paratoi tasgau ad hoc ac adroddiadau cyfrifyddu yn ôl yr angen.
• Unrhyw dasg arall a ddiffinnir gan y Prif Swyddog Ariannol i gwrdd ag anghenion gweithredol yr adran.

Gwybodaeth, Sgiliau, Galluoedd a Phrofiad 

Hanfodol

• Yn meddu ar gymhwyster cyfrifyddiaeth cydnabyddedig yn y DU gydag o leiaf 2 flynedd o brofiad ar ôl cymhwyso.
• Y gallu i baratoi rhagolygon ariannol integredig.
• Sgiliau cyfathrebu rhagorol (ar lafar ac yn ysgrifenedig).
• Yn llythrennog mewn TG/PC gyda gallu uwch i ddefnyddio cyfres o gynhyrchion Microsoft Office (gan gynnwys Excel ar lefel uwch).
• Gwybodaeth ymarferol o Power BI neu offer rheoli data eraill.
• Meddylfryd rheoli cryf a llygad graff am fanylion tra hefyd yn gallu gweld y darlun mawr.
• Gwybodaeth dda o ddiwydiant a masnach.
• Y gallu i weithio'n annibynnol ac fel rhan o dîm.
• Sgiliau gweithio mewn tîm ac agwedd agored a brwdfrydig tuag at waith.
• Gwybodaeth gyfredol am ddatblygiadau cyfrifyddu technegol.
• Trefnus iawn a'r gallu i weithio yn unol â therfynau amser tynn gyda rhanddeiliaid lluosog.

Dymunol

• Y gallu i gyfathrebu trwy gyfrwng y Gymraeg.
• Ymwybyddiaeth o Grŵp Banc Datblygu Cymru.
• Yn gyfarwydd â defnyddio Sage 200 neu becynnau cyfrifyddu tebyg eraill
• Yn gyfarwydd â systemau rheoli portffolio (ee Pancredit, Framework neu debyg).

Ymgeisiwch

I ymgeisio am unrhyw swyddi gwag sydd gennym, dilynwch y ddolen yma os gwelwch yn dda