Benthyciadau eiddo preswyl

Cyllid hyblyg tymor byr sy'n ddelfrydol ar gyfer datblygwyr bach a chanolig sy'n awyddus i ariannu prosiectau preswyl yng Nghymru.

Gwnaeth y Banc Datblygu bopeth posibl i sicrhau cwblhau cyflym ac esmwyth. Rydym yn ddiolchgar iawn am eu cefnogaeth.

Matthew Watkins, Mentrus Developments

Cyllid wedi'i deilwra ar gyfer datblygwyr eiddo preswyl

Drwy Gronfa Eiddo Preswyl Cymru rydym yn cynnig benthyciadau ar gyfer datblygiadau preswyl a chymysg eu defnydd yng Nghymru.

Benthyciadau hyd at 70% o Werth Datblygu Gros (GDG), gan gynnwys hyd at 100% o gostau adeiladu
Meintiau benthyciadau o £150,000 i £10 miliwn
Telerau benthyciad hyd at bedair blynedd
Hyd at 2% o ostyniad mewn ffioedd trwy gyfrwng y cymhelliant gwyrdd

Dim ond prosiectau sydd wedi'u lleoli yng Nghymru y gallwn eu cefnogi.

Cyn y gallwn eich helpu, bydd angen i chi roi'r canlynol i ni:

Cyfeiriad yr eiddo rydych chi'n bwriadu ei ddatblygu.
Crynodeb o'ch cynlluniau datblygu a'ch costau rhagamcanol.
Dadansoddiad o'r Gwerth Datblygu Gros disgwyliedig (h.y. y gwerthoedd terfynol ar ôl ei gwblhau).
Crynodeb o brofiad datblygu blaenorol i chi a'r unigolion allweddol dan sylw.

Sut i wneud cais am fenthyciad eiddo preswyl

Cam 1

Cysylltwch â'n tîm eiddo i drafod eich prosiect

Cam 2

Gyda'n gilydd byddwn yn trafod eich gofynion a'r camau nesaf

Cam 3

Byddwn yn anfon dolen atoch i wneud cais am eich benthyciad

Cam 4

Cynhelir adolygiad manwl o'ch cynigion wedi'i gynnal, mae'r broses diwydrwydd dyladwy a chymeradwyaeth credyd yn dechrau

Ateb eich cwestiynau

Sut mae cyllid datblygu eiddo preswyl yn gweithio?

Os ydych chi'n adeiladu eiddo preswyl o'r dechrau, gallai benthyciad datblygu eiddo eich helpu gyda chostau prynu cychwynnol a thrwy gydol y gwaith o adeiladu'r prosiect. Caiff arian ei ryddhau drwy gydol y rhaglen adeiladu yn dilyn ymweliad â'r safle gan ein syrfëwr monitro annibynnol a fydd yn ardystio costau hyd yma ac yn cyhoeddi tystysgrif ar gyfer taliad, fel arfer yn fisol.

Faint alla i fenthyg?

Gallwch fenthyca isafswm o £150,000 ac uchafswm o £10 miliwn, gyda swm y benthyciad yn cael ei bennu gan werth yr eiddo.

Gallwn ni helpu gyda chostau prynu cychwynnol, os yw metrigau'r prosiect yn caniatáu hyn ac os oes caniatâd cynllunio ar waith. Rydym yn creu dull wedi'i deilwra i gyd-fynd â phob prosiect unigol.

Beth all benthyciad eiddo preswyl ei ddefnyddio ar ei gyfer?

Gellir defnyddio'r benthyciad i ariannu datblygiad eiddo preswyl yng Nghymru.

Beth yw hyd hiraf tymor eich benthyciadau datblygu eiddo preswyl?

Y tymor hiraf yw 48 mis ar gyfer eiddo preswyl.

Pa gyfraniad cwsmeriaid ydych chi'n ei ystyried yn dderbyniol?

Nid oes unrhyw lefelau penodol, ond rydym yn disgwyl i gwsmeriaid rannu'r risg ariannol. Yn aml, mae cronfeydd prynu tir yn ddigonol.

Ydych chi'n cynnig benthyciadau tymor ar ddatblygiad wedi'i gwblhau?

Mae'r benthyciad i gefnogi datblygiad cartrefi newydd hyd at eu cwblhau ac mae naill ai'n cael ei ad-dalu o werthiant yr unedau wedi'u cwblhau, o ailgyllido, neu gymysgedd o'r ddau. Mae hyn yn golygu y gallwn ail fenthyca'r arian i gefnogi datblygiad eiddo pellach.