Rheolwr Gweithrediadau TGCh (Rheoli Gwasanaethau)

Pwrpas y Swydd

Bydd y Rheolwr Gweithrediadau TGCh (Rheoli Gwasanaethau) yn gweithredu fel un o ddau ddirprwy i’r Cyfarwyddwr TGCh, a fydd, gyda’i gilydd, yn helpu i lunio strategaeth TGCh y Banc yn y dyfodol. Mae’r cyfrifoldebau’n cynnwys rheoli nifer o ddarparwyr gwasanaethau technolegol strategol, mewn model darparu allanol yn bennaf, yn ogystal â thîm mewnol bach. Ar y cyd â’r Rheolwr Gweithrediadau TGCh (Technoleg), bydd deiliad y swydd yn rheoli’r gwaith parhaus o ddarparu Gwasanaethau TGCh, gan gysylltu â chydweithwyr yn y busnes ehangach i sicrhau bod gwasanaethau TGCh yn cefnogi anghenion y busnes ac yn adrodd ar berfformiad portffolio gwasanaeth TGCh y Banc.

Prif Ddyletswyddau a Chyfrifoldebau

• Gweithio gyda’r Cyfarwyddwr TGCh a’r tîm TGCh ehangach ar fanyleb, dyluniad, datblygiad a gweithrediad parhaus y strategaeth TGCh
• Datblygu a chynnal cysylltiadau effeithiol gyda darparwyr gwasanaethau TGCh i sicrhau bod gwasanaethau’n cael eu darparu, yn ogystal â pherfformiad ac elw ar fuddsoddiad
• Gweithio’n agos gyda chydweithwyr yn y busnes ehangach i sicrhau bod gwasanaethau TGCh yn parhau i fodloni gofynion y busnes
• Hybu diwylliant o wella gwasanaethau yn barhaus, yn benodol ym meysydd effeithlonrwydd prosesau, dogfennu, rheoli risg, glynu wrth fethodolegau rheoli prosiect trylwyr a llywodraethu a chydymffurfio parhaus
• Rheoli, hyfforddi a mentora tîm o arbenigwyr TGCh technegol
• Bod yn gyfrifol am gynhyrchu gwybodaeth reoli sy’n ymwneud â TGCh er mwyn adrodd ar berfformiad adrannol yn erbyn Cytundebau Lefel Gwasanaeth a Dangosyddion Perfformiad Allweddol y cytunwyd arnynt a chadw at y gyllideb
• Unrhyw dasg arall a ddiffinnir gan y Cyfarwyddwr TGCh i gwrdd ag anghenion gweithredol

Gwybodaeth, Sgiliau, Cymwysterau a Phrofiad

Hanfodol

• Arweinydd / rheolwr profedig timau TGCh amlddisgyblaethol sydd â phrofiad o ddarparu gwasanaethau TGCh mewnol ac allanol
• Profiad eang o reoli contractau allanol yn effeithiol i Gytundeb Lefel Gwasanaeth (SLA)
• Sgiliau rhyngbersonol rhagorol o ran cyfathrebu ar lafar a dylanwadu
• Sgiliau cyfathrebu ysgrifenedig o safon uchel iawn i ddelio ag amrywiaeth o gynulleidfaoedd
• Dealltwriaeth eang o wasanaethau cwmwl Microsoft Azure ac amgylcheddau cwmwl hybrid
• Dealltwriaeth eang o egwyddorion Parhad Busnes ac Adfer ar ôl Trychineb a'r fframweithiau arferion gorau
• Dealltwriaeth eang o dechnoleg gyfredol sy’n ymwneud â rhwydweithio, telegyfathrebu a storio
• Dealltwriaeth eang o ddiogelwch TGCh
• Dealltwriaeth eang o ddulliau rheoli prosiectau rhaeadr/ystwyth a Rheoli Gwasanaeth ITIL, gyda chymwysterau achrededig cyfatebol
• Gallu amlwg i gyflawni prosiectau TGCh cymhleth yn brydlon ac o fewn y gyllideb
• Profiad technegol eang amlwg, gydag achrediadau technegol perthnasol cyfatebol
• Datrys problemau gyda’r gallu i ddadansoddi sefyllfaoedd neu faterion, cofnodi cyflyrau proses cyfredol, nodi gofynion ar gyfer y dyfodol a chynnig atebion o ansawdd uchel
• Gallu blaenoriaethu a threfnu gwaith dan bwysau a phenderfyniad i gwblhau tasgau i safon uchel gyda llwyddiant mesuradwy
• Agwedd hyblyg at oriau gweithio

Dymunol 

• Addysg at lefel gradd
• Profiad o fframweithiau caffael y Llywodraeth a dylunio contractau/manylebau
• Dealltwriaeth a phrofiad o reoli risg a phrosesau rheoli newid
• Dealltwriaeth o elfennau allweddol arferion gorau a llywodraethu ym maes rheoli data
• Profiad o Drawsnewid Digidol a mentrau
• Profiad o fewn cwmnïau gwasanaethau ariannol neu broffesiynol

Cynnig

I ymgeisio am unrhyw swyddi gwag sydd gennym, ewch i Recriwtio.bancdatbygu.cymru

Dyddiad cau - Gorffennaf 25