Rydyn ni'n bwriadu recriwtio swyddog datblygu eiddo a fydd yn seiliedig yng Nghymru.
Pwrpas y swydd
Mae'r Swyddog Datblygu Eiddo yn gyfrifol am ffynonellu, gwerthuso a darparu buddsoddiadau datblygu eiddo o dan Gronfeydd Datblygu Eiddo Banc Datblygu Cymru. Gwneir buddsoddiadau dan delerau masnachol ac yn unol â'r meini prawf buddsoddi a osodir gan y Banc Datblygu.
Prif Ddyletswyddau a Chyfrifoldebau
- Ffynonnellu a gwerthuso cynigion ar gyfer bargeinion datblygu eiddo.
- Rheoli bargeinion datblygu eiddo o'r cychwyn cyntaf trwodd i'r cyfnod ad-dalu.
- Cyflawni yn erbyn targedau buddsoddi a phortffolio.
- Cynnal diwydrwydd dyladwy rheoli, ariannol a masnachol trylwyr a chadarn wrth ystyried cyfleoedd datblygu eiddo ac asesu'r risgiau sydd ynghlwm i bob buddsoddiad.
- Trafod strwythurau bargeinion yn effeithiol gyda chwsmeriaid a'u cynghorwyr ill dau; gan gynnwys sicrwydd, prisio, cyfamodau, gwarantau, cynsail amodau, gofynion monitro a rhwymedigaethau ad-dalu.
- Paratoi papurau crynhoi ac adroddiadau sancsiwn a chyflwyno cynigion ar gyfer sancsiwn.
- Sicrhau bod y dogfennau cyfreithiol a'r gofynion rheoleiddiol yn cael eu cwblhau.
- Cynnal cyswllt rheolaidd a chymesur â busnesau cwsmeriaid er mwyn sicrhau dealltwriaeth gyfoes o'r prosiectau perthnasol a meithrin perthynas gynhyrchiol â rheolaeth. Dylai'r strategaethau cyswllt gael eu teilwra i amgylchiadau'r fargen dan sylw.
- Gwneud y gorau o gasglu data DPA manwl gywir gan fusnesau portffolio yn amserol.
- Bod yn bendant wrth wneud penderfyniadau, cymryd cyfrifoldeb a bod yn barod i gael sgwrs anodd gyda chleientiaid.
- Cyfrannu at weithrediad y Banc Datblygu fel cwmni rheoli cronfa proffesiynol.
- Cynnal a datblygu gwybodaeth dechnegol a phenodol i ddiwydiant i sicrhau arfer gorau a chydymffurfiaeth mewn gweithgarwch buddsoddi.
- Lledaenu enghreifftiau o arfer gorau ar gyfer gwneud cais i'r Cronfeydd Datblygu Eiddo ymysg cyflwynwyr busnes allweddol a sicrhau bod y broses ymgeisio yn cael ei mireinio a'i gwella'n barhaus i ddarparu'r gwasanaeth gorau posibl i gleientiaid.
- Datblygu a chynnal cysylltiadau a rhwydweithiau gyda chyflwynwyr busnes allweddol a chyfryngwyr i ddod o hyd i gyfleoedd datblygu eiddo addas.
- Cyfranogi a chynrychioli Banc Datblygu, lle bo'n briodol, mewn cyfarfodydd, seminarau, digwyddiadau a gweithgareddau ar y cyd.
- Gweithredu o dan y Canllawiau Gweithredol Buddsoddi.
- Cyfrannu at farchnata / hyrwyddo'r Banc Datblygu.
- Ymgymryd ag unrhyw dasg arall a ddiffinnir gan Reolwr y Gronfa i ddiwallu anghenion gweithredol yr adran.
Gwybodaeth, sgiliau, galluoedd a phrofiad
Hanfodol
- Yn meddu ar hunan-gymhelliant gyda'r gallu i gymryd ymagwedd ragweithiol a'r gallu i weithio'n annibynnol ac fel rhan o dîm.
- Profiad o fuddsoddi ym maes datblygu eiddo.
- Profiad o baratoi adroddiadau credyd.
- Dealltwriaeth o brosesau a gweithdrefnau asesu risg a buddsoddi.
- Sgiliau cyfathrebu, dylanwadu a rhyngbersonol cryf.
- Hyderus yn eich sgiliau gwneud penderfyniadau eich hun.
- Y gallu i flaenoriaethu a threfnu gwaith dan bwysau.
- Sylw i fanylion.
- Profiad o ddadansoddi gwybodaeth ariannol, adroddiadau prisio ac astudiaethau dichonolrwydd.
- Yn llythrennog mewn TG gan gynnwys defnyddio Word, Excel, PowerPoint ac Outlook.
Dymunol
- Rhwydwaith o gyflwynwyr sefydledig o fewn sector eiddo Cymru.
- Gwybodaeth a dealltwriaeth o rôl y sector cyhoeddus mewn cyllid BBaCh.
- Dealltwriaeth o'r amgylchedd busnes rhanbarthol.
- Yn gallu siaradwr Cymraeg.
- Trwydded yrru.
I wneud cais anfonwch eich ffurflen gais at: recriwtio@bancdatblygu.cymru