Swyddog Gweithredol Cynorthwyol Sicrhau Ansawdd

Pwrpas y swydd

Mae’r tîm Sicrhau Ansawdd yn chwarae rhan allweddol yn fframwaith rheoli risg Banc Datblygu Cymru, gan gyfrannu at hygrededd ac enw da’r Grŵp fel rheolwr cronfeydd effeithiol a phroffesiynol.

Mae’r swydd yn cynnwys gwneud gwaith monitro cydymffurfiaeth yn uniongyrchol, tynnu sylw at feysydd nad ydynt yn cydymffurfio, neu feysydd gwan a bregus, a chyfrannu at y gwaith o gynllunio a gweithredu newid a rheolaethau gweithdrefnol er mwyn sicrhau’r effeithlonrwydd gorau posibl wrth weithredu o fewn goddefiannau risg y Grŵp mewn perthynas â’r canlynol:

• Samplu ffeiliau Buddsoddi, Portffolio a Gwasanaethau Eiddo;
• Cynorthwyo gydag adolygiadau thematig a gweithgareddau dwys;
• Cydlynu gweithdrefnau buddsoddi a thempledi dogfennau;
• Dilysu ac adrodd ar ddata effaith.

Fel ceidwad arferion gorau o ran gweithdrefnau buddsoddi a data effaith, bydd deiliad y swydd yn darparu arweiniad ad hoc i gydweithwyr ar bob lefel ar draws ochr fuddsoddi’r busnes.

Bydd deiliad y swydd yn gyfrifol am sicrhau bod meysydd o wendid o fewn y Gweithdrefnau Buddsoddi a gweithgarwch samplu yn cael eu nodi, ac yn helpu i weithredu gwelliannau a rheolaethau i brosesau newydd a rhai sy’n bodoli eisoes

Prif Ddyletswyddau a Chyfrifoldebau:

• Cynnal adolygiadau ansoddol cyn ac ar ôl buddsoddi o ffeiliau buddsoddi’r Grŵp i sicrhau cydymffurfiaeth â Chanllawiau Gweithredu Mewnol, gweithdrefnau buddsoddi a Pholisi'r Grŵp, gan gadw cofnodion cywir o weithgarwch samplo ffeiliau.
• Nodi a datrys achosion lle nodir diffygion neu anghysondebau ar ffeiliau Buddsoddi a rhoi gwybod am ganlyniadau gweithgarwch samplo ffeiliau i’r staff Buddsoddi perthnasol a’r Uwch Swyddog Sicrhau Ansawdd.
• Sicrhau bod y gweithdrefnau buddsoddi dal yn addas i’r diben drwy nodi’r meysydd bregus / aneffeithlon a gweithio’n agos gyda’r Swyddogion Gweithredol Sicrhau Ansawdd i ddyfeisio a chyflwyno gweithdrefnau newydd a gwelliannau.
• Cynorthwyo gydag unrhyw adolygiadau thematig a gweithgarwch samplo dwys.
• I ddarparu adborth ar effeithiolrwydd y gweithdrefnau samplu ffeiliau ac i argymell a chyflwyno gwelliannau trwy gysylltu â'r Uwch Swyddog Sicrhau Ansawdd.
• Dilysu’r holl ddata effaith sy’n ymwneud â gweithgarwch buddsoddi a darparu adborth i dimau buddsoddi.
• I gynorthwyo gyda chymodi dogfennau diogelwch yn gorfforol i gefnogi'r Uwch Swyddog Sicrhau Ansawdd a'r Rheolwr Chydymffurfiaeth mewn perthynas â thystiolaethu cydymffurfiaeth CASS.
• Darparu cefnogaeth drwy gyfeirio staff buddsoddi at bolisïau, gweithdrefnau a chanllawiau a gyhoeddir yn fewnol.
• Cefnogi’r gwaith o reoli a chynnal a chadw templedi buddsoddi craidd (ac eithrio rhai cyfreithiol) a gweithdrefnau gweithredu buddsoddi yn ganolog.
• Unrhyw dasg arall a ddiffinnir gan yr Uwch Swyddog Sicrhau Ansawdd a'r Rheolwr Chydymffurfiaeth i ddiwallu anghenion gweithredol yr adran.

Gwybodaeth, Sgiliau, Cymwysterau a Phrofiad

Hanfodol 

• Gallu cymell eich hun, gyda’r gallu i weithredu’n rhagweithiol a gweithio’n effeithiol heb oruchwyliaeth.
• Cymhelliant a phenderfyniad i gwblhau gwaith yn gywir, yn gyson ac i safon uchel.
• Meddwl rhesymegol a chwilfrydig a llygad am fanylion. Y gallu i feddwl yn greadigol a chyflwyno datrysiadau arloesol i broblemau a nodwyd.
• Y gallu i gadw gwybodaeth fanwl ac arddangos barn eang, er mwyn deall goblygiadau newid trefniadol ar draws y busnes.
• Dealltwriaeth eang o reoli risg yn y sector ariannol a'r gallu i'w gymhwyso i’r Grŵp.
• Gwerthfawrogiad o’r manteision i’r Grŵp o gael polisïau a gweithdrefnau o ansawdd uchel i fod yn sail i weithgareddau buddsoddi.
• Y gallu i reoli a threfnu gwaith o dan bwysau a chwrdd â therfynau amser.
• Sgiliau rhyngbersonol cadarn a’r gallu i gyfathrebu a dylanwadu’n effeithiol, gan herio am ragor o wybodaeth lle bo angen, gyda staff o bob lefel ar draws y Grŵp.
• Profiad o weithio mewn amgylchedd ariannol / rhifyddol neu amgylchedd archwilio / wedi’i reoleiddio.
• Yn hyddysg ym maes TG / cyfrifiaduron ac yn gallu defnyddio pecynnau Microsoft Office

Dymunol 

• Dealltwriaeth o’r rhwymedigaethau ar fusnesau gwasanaethau ariannol o ran cydymffurfio â rheoliadau.
• Dealltwriaeth eang o ddyled, mesanîn a buddsoddiadau ecwiti.
• Y gallu i siarad Cymraeg. rhesymegol

Ymgeisiwch

I ymgeisio am unrhyw swyddi gwag sydd gennym, ewch i ein tudalen recriwtio