O ran datblygu cwmni technoleg newydd, mae sylfaenwyr yn dod ar draws drysfa o jargon anghyfarwydd yn gyflym – a dim ond dwysáu y mae hynny wrth godi buddsoddiad ecwiti. Datgelodd ein hymchwil gyda sylfaenwyr, buddsoddwyr, a'r ecosystem ehangach y gall y bwlch gwybodaeth hwn adael sylfaenwyr cynnar yn teimlo fel petaent ar ei hôl hi, yn enwedig y rhai sy'n codi arian am y tro cyntaf.
Mae codi arian yn broses gymhleth a thechnegol sy'n cynnwys meithrin perthnasoedd â buddsoddwyr, negodi cytundebau cyfreithiol, a gwneud penderfyniadau strategol sy'n llunio dyfodol eich cwmni. Bydd gwybod y termau allweddol yn eich helpu i feithrin hygrededd ac osgoi ambell i gamddealltwriaeth gostus.
Sut i ddefnyddio'r rhestr eirfa hon
Gall deimlo'n llethol mynd i mewn i fyd sy'n llawn jargon a’r iaith y mae buddsoddwyr yn ei defnyddio. Ond mae deall iaith codi arian yn eich grymuso i gyfathrebu'n glir, negodi'n hyderus, a gwneud penderfyniadau gwybodus.
Nod yr eirfa AZ hon yw egluro llawer o'r termau a ddefnyddir amlaf a bydd yn eich helpu i deimlo'n fwy hyderus wrth ymgysylltu â buddsoddwyr, cynghorwyr a phartneriaid. Fodd bynnag, nid yw'n rhestr gynhwysfawr. Os byddwch chi'n dod ar draws terminoleg anghyfarwydd nad yw wedi'i rhestru yma, neu os ydych chi'n ansicr sut mae term yn berthnasol mewn cyd-destun cyfreithiol neu ariannol, peidiwch ag oedi cyn ceisio cyngor gan gynghorydd, cyfrifydd neu gyfreithiwr dibynadwy.
Rhestr eirfa o dermau dechrau busnes (AZ)
Cyflymydd
Rhaglen sy'n cefnogi busnesau newydd gyda mentora, adnoddau, ac weithiau cyllid i'w helpu i dyfu'n gyflym a pharatoi ar gyfer buddsoddiad.
Buddsoddwr angel
Unigolyn sy'n buddsoddi ei arian ei hun mewn busnesau sy’n dechrau o’r newydd ar y cam cynnar, gan ddarparu arbenigeddau sector, mentora, cyngor a chysylltiadau gwerthfawr yn aml.
Syndicet angel
Grŵp o fuddsoddwyr angel sy'n cronni eu hadnoddau i fuddsoddi gyda'i gilydd mewn busnes.
Hawliau gwrth-wanhau
Amddiffyniad cytundebol i fuddsoddwyr sy'n lleihau effaith gwanhau os yw'r cwmni'n cyhoeddi cyfranddaliadau newydd am brisiad is na rowndiau blaenorol.
Bwrdd cyfarwyddwyr
Grŵp sy'n goruchwylio strategaeth a llywodraethu cwmni. Mae gan gyfarwyddwyr ddyletswydd gyfreithiol i weithredu er budd gorau'r cwmni a sicrhau llywodraethu priodol.
Cynghorydd y bwrdd
Mae cynghorydd bwrdd yn darparu arweiniad anffurfiol ond nid oes ganddo hawliau pleidleisio na chyfrifoldebau cyfreithiol.
Sylwedydd y bwrdd
Fel arfer, penodir sylwedyddion / arsylwyr bwrdd o dan gytundebau buddsoddi gan fuddsoddwyr penodol neu grwpiau cyfranddalwyr. Mae ganddynt hawl i fynychu cyfarfodydd bwrdd a derbyn gwybodaeth sy'n gysylltiedig â'r bwrdd ond nid oes ganddynt hawliau pleidleisio.
Tyfu busnes newydd gyda chyfalaf lleiafsymiol
Tyfu busnes gan ddefnyddio adnoddau a refeniw mewnol, heb fuddsoddiad allanol.
Cyfradd llosgi
Y gyfradd y mae cwmni'n gwario arian parod. Fe'i defnyddir i gyfrifo pa mor hir y gall y busnes weithredu cyn bod angen mwy o gyllid arno.
Model busnes
Y ffordd y mae cwmni'n cynhyrchu refeniw ac yn darparu gwerth i gwsmeriaid. Mae'n cynnwys strategaethau prisio, dosbarthu a chaffael cwsmeriaid.
Tabl cyf (tabl cyfalafu)
Tabl sy'n dangos strwythur perchnogaeth cwmni, gan gynnwys cyfranddaliadau a ddelir gan sylfaenwyr, buddsoddwyr a gweithwyr. Fe'i defnyddir i olrhain pwy sy'n berchen ar ba gyfranddaliadau.
Cyfradd troi
Canran y cwsmeriaid sy'n rhoi'r gorau i ddefnyddio'ch cynnyrch neu wasanaeth yn ystod cyfnod penodol o amser .
Clogwyn
Y cyfnod cychwynnol mewn amserlen freinio (gweler isod) lle na chaiff unrhyw ecwiti ei ennill. Ar ôl y clogwyn (12 mis yn aml), mae cyfran o'r ecwiti yn freinio, ac yna'n freinio'n raddol wedi hynny. (Gweler y diffiniad o 'freinio' isod.)
Cymharadwy / lluosrifau
Dull gwerthuso sy'n cymharu metrigau cwmni newydd (fel refeniw) â chwmnïau tebyg i amcangyfrif gwerth.
Nodyn trosiadwy
Benthyciad y gellir ei drawsnewid yn ecwiti yn y dyfodol. Gall y sbardun ar gyfer trosi amrywio ond yn aml bydd yn rownd ariannu arall neu ar ôl cyfnod penodol o amser.
Hawlfraint
Hawl gyfreithiol sy'n amddiffyn gweithiau gwreiddiol fel nofelau, caneuon a newyddiaduraeth rhag cael eu copïo neu eu defnyddio heb ganiatâd.
Cyllido torfol (cyllido torfol ecwiti)
Codi arian gan nifer fawr o fuddsoddwyr bach trwy blatfform ar-lein yn gyfnewid am ecwiti yn y busnes. Darllenwch ein herthygl cyllido torfol i ddysgu mwy.
Cost caffael cwsmeriaid (CAC)
Cyfanswm cost caffael cwsmer newydd, gan gynnwys treuliau marchnata, gwerthu a sefydlu cwsmeriaid.
Ystafell ddata
Storfa ddiogel ar-lein a ddefnyddir i rannu dogfennau busnes allweddol gyda buddsoddwyr yn ystod diwydrwydd dyladwy.
Gwanhau
Y gostyngiad yng nghanran y berchnogaeth y mae pob cyfranddaliwr presennol yn ei brofi pan gyhoeddir cyfranddaliadau newydd, fel arfer yn ystod rowndiau codi arian.
Aflonyddol
Disgrifiad o gynnyrch neu dechnoleg sy'n newid neu'n creu marchnadoedd newydd yn sylweddol, gan ddisodli cystadleuwyr sefydledig yn aml.
Llif arian parod disgowntiedig (LlAD)
Dull gwerthuso sy'n amcangyfrif gwerth presennol llifau arian parod yn y dyfodol, wedi'i addasu ar gyfer risg gan ddefnyddio cyfradd ddisgownt.
Rownd i lawr
Rownd ariannu lle mae cyfranddaliadau'n cael eu gwerthu am bris is nag mewn rowndiau blaenorol. Fel arfer, mae hyn yn ddangosydd nad yw pethau wedi mynd cystal ag y disgwyliwyd.
Hawliau llusgo-ymlaen
Mae'r rhain yn caniatáu i gyfranddalwyr mwyafrifol orfodi cyfranddalwyr lleiafrifol i werthu eu cyfranddaliadau ochr yn ochr â nhw os yw'r cwmni'n cael ei werthu.
Diwydrwydd dyladwy
Y broses y mae buddsoddwyr yn ei defnyddio i wirio iechyd ariannol, cyfreithiol a gweithredol cwmni cyn gwneud buddsoddiad.
Ennill Allan
Strwythur bargen lle mae rhan o'r pris gwerthu yn cael ei dalu dros amser, yn seiliedig ar y cwmni'n cyrraedd targedau perfformiad y cytunwyd arnynt.
Cyflwyniad marchnata dyrchafu
Crynodeb byr, diddorol o'ch busnes y gellir ei gyflwyno mewn llai na munud – yn ddelfrydol ar gyfer rhwydweithio neu gyflwyno buddsoddwyr.
Ecwiti
Perchnogaeth mewn cwmni, fel arfer ar ffurf cyfranddaliadau.
Codi arian ecwiti
Y broses o godi arian drwy werthu cyfranddaliadau yn eich busnes i fuddsoddwyr. Dysgwch fwy am sut mae cyllid ecwiti a chodi arian yn gweithio gyda'n herthygl.
Strategaeth ymadael
Cynllun ar gyfer sut y bydd sylfaenwyr a buddsoddwyr yn sylweddoli gwerth y busnes, megis drwy werthiant, CCC (gweler isod), neu uno/uniad.
Breinio sylfaenwyr
Amserlen freinio (gweler isod) a gymhwysir i sylfaenwyr i sicrhau eu bod yn ennill eu ecwiti dros amser. Mae'n amddiffyn y cwmni os yw sylfaenydd yn gadael yn gynnar.
Cyfranddaliadau wedi'u gwanhau'n llawn
Cyfanswm y cyfranddaliadau a fyddai'n bodoli pe bai'r holl opsiynau, gwarantau a gwarantau trosiadwy yn cael eu harfer.
Strategaeth mynd i'r farchnad
Cynllun ar gyfer sut y bydd cwmni'n hyrwyddo a gwerthu ei gynnyrch i gwsmeriaid, gan gynnwys sianeli gwerthu, tactegau marchnata a phrisio.
Llywodraethu
Y systemau a'r prosesau a ddefnyddir i reoli gweithrediadau, gwneud penderfyniadau a chydymffurfiaeth cwmni â rhwymedigaethau cyfreithiol.
Deorfa
Sefydliad sy'n cefnogi busnesau newydd cyfnod cynnar trwy ddarparu gweithle, mentora ac adnoddau.
Cynnig cyhoeddus cychwynnol (CCC)
Rhestru cyfranddaliadau cwmni ar gyfnewidfa stoc gyhoeddus, gan ganiatáu i'r cyhoedd eu prynu a'u gwerthu.
Eiddo deallusol (ED)
Creadigaethau'r meddwl - fel dyfeisiadau, dyluniadau, neu weithiau artistig - y gellir eu diogelu'n gyfreithiol trwy hawliau eiddo deallusol (HEDau), gan gynnwys patentau, nodau masnach, a hawlfraint. Gweler ein canllaw i eiddo deallusol.
Aseinio ED
Y trosglwyddiad ffurfiol o berchnogaeth eiddo deallusol o unigolyn (fel y sylfaenydd neu'r contractwr) i'r cwmni.
Dangosydd perfformiad allweddol (DPS)
Gwerth mesuradwy sy'n dangos pa mor effeithiol y mae cwmni'n cyflawni ei amcanion busnes.
Prif fuddsoddwr
Y prif fuddsoddwr mewn rownd ariannu, sy'n aml yn gyfrifol am negodi telerau a chydlynu buddsoddwyr eraill.
Digwyddiad diddymu
Gwerthiant, uno, neu CCC sy'n sbarduno dosbarthiad elw i gyfranddalwyr.
Blaenoriaeth i ddiddymu
Cymal sy'n pennu'r drefn a'r swm y mae buddsoddwyr yn cael eu had-dalu cyn cyfranddalwyr eraill mewn gwerthiant neu ddiddymiad, gan roi blaenoriaeth yn aml dros gyfranddalwyr cyffredin.
Gwerth oes (GO)
Cyfanswm y refeniw y mae busnes yn disgwyl ei ennill gan gwsmer dros y berthynas gyfan.
Maint y farchnad (CMC, MAG,MGC)
CMC : Cyfanswm y farchnad y gellir ei chyfeirio – y galw llawn yn y farchnad am eich cynnyrch.
MAG: Marchnad sydd ar gael y gellir ei gwasanaethu – y gyfran o MAG y gallwch ei gwasanaethu.
MGC: Marchnad wasanaethadwy y gellir ei chael – y gyfran realistig y gallwch ei chipio.
Defnyddir y rhain i amcangyfrif graddfa'r cyfle ar gyfer cynnyrch.
Cynnyrch hyfyw lleiaf (CHLl)
Y fersiwn symlaf o gynnyrch sy'n datrys problem graidd a gellir ei ddefnyddio i brofi galw'r farchnad a chasglu adborth.
Cytundeb peidio â datgelu (CPD)
Contract cyfreithiol sy'n amddiffyn gwybodaeth gyfrinachol a rennir rhwng partïon rhag cael ei datgelu neu ei defnyddio'n amhriodol.
Cronfa opsiynau
Cyfran o gyfranddaliadau'r cwmni a neilltuwyd ar gyfer gweithwyr, cynghorwyr neu ymgynghorwyr yn y dyfodol - a grëir yn aml yn ystod rowndiau codi arian.
Patentau
Hawliau cyfreithiol a roddir ar gyfer dyfeisiadau, gan roi rheolaeth unigryw i'r deiliad dros sut mae'r ddyfais yn cael ei defnyddio neu ei masnacheiddio am gyfnod penodol.
Cyflwyniad Marchnata
Cyflwyniad marchnata byr (fel arfer tua 10–15 sleid) sy'n amlinellu eich busnes ar gyfer buddsoddwyr posibl. Darllenwch ein herthygl cyflwyniad marchnata i ddysgu mwy.
Gwerthusiad ôl-arian
Gwerthusiad y cwmni ar ôl ychwanegu buddsoddiad newydd. Mae'n hafal i'r gwerthiad cyn-arian ynghyd â'r swm a godwyd.
Hawliau rhagbrynu
Rhoi’r hawl i gyfranddalwyr presennol brynu cyfranddaliadau newydd cyn iddynt gael eu cynnig i eraill, gan eu helpu i gynnal eu canran perchnogaeth.
Cyfranddaliadau blaenoriaeth
Cyfranddaliadau sy'n rhoi blaenoriaeth i fuddsoddwyr dros gyfranddalwyr cyffredin o ran difidendau ac ad-daliad mewn digwyddiad diddymu. Gallant hefyd gario hawliau ychwanegol yn dibynnu ar delerau'r cytundeb.
Gwerthusiad cyn-arian
Gwerth cwmni cyn ychwanegu buddsoddiad newydd.
Rhedfa
Y cyfnod y gall cwmni weithredu cyn rhedeg allan o arian parod, yn seiliedig ar ei gyfradd llosgi gyfredol.
CSED/SAFE (cytundeb syml ar gyfer ecwiti yn y dyfodol)
Cytundeb sy'n caniatáu i fuddsoddwyr drosi eu buddsoddiad yn ecwiti yn ddiweddarach, a ddefnyddir weithiau wrth godi arian yn y cyfnod cynnar.
Cyllid sbarduno / rownd sbarduno
Y rownd fuddsoddi ffurfiol gyntaf a ddefnyddir i lansio cynnyrch, caffael cwsmeriaid cynnar, a dilysu'r model busnes.
Cyfres A/B/C
Rowndiau ariannu dilynol sy'n cefnogi gwahanol gamau o dwf, o gynyddu graddfa gweithrediadau i ehangu i farchnadoedd newydd.
Cytundeb cyfranddalwyr
Dogfen gyfreithiol sy'n amlinellu hawliau a chyfrifoldebau cyfranddalwyr y cwmni a'r cwmni ei hun.
Gwerthiant strategol / gwerthiant masnach
Gwerthu eich cwmni i fusnes arall, yn aml yn gystadleuydd neu'n bartner strategol, i wireddu gwerth ac ymadael. – link to exit article
Ecwiti chwys
Perchnogaeth a enillir trwy gyfrannu gwaith, amser, arbenigedd yn hytrach na buddsoddi arian parod.
Hawliau dilynol
Mae'r rhain yn caniatáu i gyfranddalwyr lleiafrifol ymuno mewn gwerthiant os yw cyfranddalwyr mwyafrifol yn gwerthu eu cyfran.
Taflen delerau
Dogfen anghyfrwymol sy'n amlinellu telerau ac amodau allweddol cytundeb buddsoddi cyn drafftio contractau cyfreithiol.
Nod masnach
Arwydd (fel gair, logo, neu slogan) sy'n gwahaniaethu eich nwyddau neu wasanaethau oddi wrth gystadleuwyr a gellir ei amddiffyn yn gyfreithiol.
Trosoledd
Tystiolaeth bod eich cynnyrch yn cael ei fabwysiadu gan y farchnad, fel twf defnyddwyr, refeniw neu ymgysylltiad.
Cap gwerthuso
Mewn nodiadau trosiadwy neu Gytundeb Syml ar gyfer Ecwiti yn y Dyfodol (CSED), y gwerth cwmni uchaf y bydd y buddsoddiad yn trosi'n ecwiti arno.
Cyfalaf menter (CM)
Buddsoddwyr proffesiynol sy'n rheoli cronfeydd cyfun ac yn buddsoddi mewn cwmnïau newydd twf uchel, fel arfer yn gyfnewid am ecwiti a chyfranogiad bwrdd. Gweler ein canllaw i gyfalaf menter.
Breinio
Y broses lle mae gweithwyr neu sylfaenwyr yn ennill eu cyfranddaliadau neu eu hopsiynau dros amser, yn aml wedi'i chysylltu â chyfranogiad parhaus yn y cwmni.
Rhaeadr
Y drefn y mae elw'n cael ei ddosbarthu i gyfranddalwyr mewn digwyddiad diddymu neu ymadael, yn aml yn seiliedig ar ddosbarth cyfranddaliadau a dewis.
