Elen Jones

Ymunodd â'r sefydliad yn 2011 fel cyfrifydd ariannol, ar ôl treulio chwe blynedd yn flaenorol yn News International yn Llundain. Gyda chefndir mewn gwasanaethau archwilio a thrafodion, hyfforddodd a chymhwysodd gyda PwC yng Nghaerdydd.

Mae gan Elen radd mewn Gwyddor Rheoli ac Almaeneg o Brifysgol Abertawe a threuliodd flwyddyn yn astudio yn Awstria. Mae hi'n rhugl yn y Gymraeg a'r Almaeneg.

A hithau’n rhedwraig ac yn feicwraig frwd, mae Elen yn cymryd rhan yn rheolaidd yn nigwyddiadau codi arian Banc Datblygu Cymru.