Mae Banc Datblygu Cymru wedi cael ei enwi'r y gwmni mawr gorau’r DU i weithio ynddo yn y sector gwasanaethau ariannol a yswiriant ac yn rhif 14 yn y 100 gweithle mawr gorau yn y DU.
Mae’r gwobrau Best UK Workplaces™ 2026 gan Great Place to Work® yn cydnabod cryfder diwylliant y Banc Datblygu, profiad y gweithwyr a’i ymrwymiad i gefnogi cymunedau.
Dyma'r ail flwyddyn yn olynol i y Banc Datblygu ennill lle ar y rhestr genedlaethol yn dilyn ei gydnabyddiaeth yn 2025.
Mae achrediad Great Place to Work yn seiliedig ar adborth manwl gan weithwyr ac asesiad annibynnol o ddiwylliant sefydliadol. Yng nghanlyniadau eleni, dywedodd 89% o gydweithwyr y Banc Datblygu ei fod yn lle gwych i weithio – pum pwynt canran uwchlaw'r meincnod ar gyfer y Gweithleoedd Mawr Gorau yn y DU.
Yn nodadwy, dywedodd 95% o weithlu o 280 y Banc Datblygu eu bod yn teimlo'n dda am y ffyrdd y mae'r cwmni'n cyfrannu at y gymuned, gan osod y sefydliad 14 pwynt canran uwchlaw cyfartaledd y gweithleoedd sy’n perfformio orau yn y DU. Dywedodd yr un gyfran – 95% – fod pobl yn gofalu am ei gilydd.
Roedd sylwadau dienw gan weithwyr yn tynnu sylw at falchder ym mhwrpas y sefydliad, ei ddiwylliant o gydweithio, a'r gefnogaeth y mae cydweithwyr yn ei derbyn o ddydd i ddydd. Roedd yr adborth yn cynnwys:
- “Rwy’n credu bod yr ysbryd tîm a’r cydweithio yn unigryw yn fy mhrofiad i. Mae pobl yn gofalu am eu gwaith a’i gilydd yn fwy nag unrhyw le arall rydw i wedi gweithio ynddo.”
- “Rwy’n falch o weithio i gwmni sy’n rhoi cymaint yn ôl nid yn unig i’r gymuned, ond sy’n rhoi cymaint i elusen.”
- “Rwy’n mwynhau dod i’r gwaith, mae’r diwylliant yn wych ar draws y sefydliad ac mae’r bobl rwy’n gweithio gyda nhw ar draws pob tîm yn gefnogol iawn.”
Dywedodd Giles Thorley, Prif Weithredwr Banc Datblygu Cymru:
“Mae cael ein cydnabod eto fel un o Weithleoedd Gorau’r DU / UK’s Best Workplaces yn rhywbeth y dylai pob cydweithiwr fod yn falch ohono, ac mae cyrraedd mor uchel ag ydym wedi yn y rhestr y 100 Uchaf, a’n harwain fel cwmni mawr yn nghategori Gwasanaethau Ariannol ac Yswiriant y wobr, yn ganlyniad ardderchog. Mae ein diwylliant bob amser wedi’i adeiladu ar ymddiriedaeth, cydweithio ac ymrwymiad a rennir i gefnogi busnesau a chymunedau ledled Cymru. Mae hynny yr un mor bwysig â’r gwaith rydyn ni’n ei gyflawni.”
Dywedodd Benedict Gautrey, Rheolwr Gyfarwyddwr Great Place to Work® UK: “Yn Great Place To Work ein cenhadaeth yw helpu pob gweithle i ddod yn lle gwych i weithio i bawb. Rydym yn cymeradwyo’n llwyr fod yr hyn sy’n ‘well i fusnes’ yn cyd-fynd â’r hyn sy’n ‘well i bobl’, gan gyfrannu yn y pen draw at fyd gwell i Bawb/For All™.
“Flwyddyn ar ôl blwyddyn, mae’n wirioneddol ysbrydoledig gweld nifer gynyddol o sefydliadau’n ennill lle ar ein Rhestr Gweithleoedd Gorau’r DU / UK’s Best Workplaces. Rydym wedi gweld cynnydd unwaith eto yn sgoriau Mynegai Ymddiriedaeth sy’n golygu bod y safon wedi’i chodi ac mae’r achrediad hwn yn gamp arwyddocaol ac aruthrol. Llongyfarchiadau i Fanc Datblygu Cymru am ennill lle ar ein Rhestr Gweithleoedd Gorau’r DU / UK’s Best Workplaces 2026.”
Mae Great Place to Work® yn gwerthuso cannoedd o arolygon gweithwyr a chyflwyniadau Culture Audit™ gan sefydliadau ledled y DU bob blwyddyn. Dim ond y rhai sy'n cyflawni'r sgoriau uchaf yn seiliedig ar ymddiriedaeth, profiad gweithwyr a diwylliant sy'n cael ei arwain gan werthoedd sy'n ennill lle ar restr Gweithleoedd Gorau'r DU / UK’s Best Workplaces ™.
