Bod yn gyfrifol am reoli ceisiadau manwl, o’r camau cymhwysedd cychwynnol hyd at y cais llwyddiannus, gan sicrhau bod y wybodaeth a ddarperir mewn cyflwr y gellir gweithredu arno a bod y dystiolaeth angenrheidiol wedi’i hatodi.
Lle bo angen, bod yn gyfrifol am sgrinio ceisiadau yn ystod y camau cychwynnol. Cynnal ymchwil er mwyn gwneud asesiad ac ymateb yn ffurfiol i gleientiaid, gan ofyn am ragor o wybodaeth os oes angen.
- Mynd ati’n rhyngweithiol i ddatblygu’n barhaus gan ddefnyddio meysydd a nodwyd drwy’r Sgôr Hyrwyddwr Net, adroddiadau perfformiad, gwirio cyd-aelodau a/neu ddadansoddiadau o wraidd y broblem.
- Ymwybyddiaeth a defnydd ymarferol o gyfrifoldebau rheoleiddio a gofynion cwsmeriaid (h.y. – Dyletswydd Defnyddwyr, Agored i Niwed, Caledi Ariannol, a Thrin Cwsmeriaid yn Deg).
Cynnal diwydrwydd dyladwy trylwyr a chadarn (bydd hyfforddiant yn cael ei ddarparu ar gyfer hyn) wrth brosesu ceisiadau. Ymgymryd â’r cymhwysedd a’r fforddiadwyedd sy’n ofynnol yn unol â meini prawf Llywodraeth Cymru a’r cyfarwyddyd gan Reolwr Gweithrediadau’r Gwasanaethau Eiddo.
Ymgymryd â’r gwaith o ddelio ag achosion, gan sgwrsio yn barhaus gydag ymgeiswyr, rhanddeiliaid a chydweithwyr ynghylch cynnydd a gweithgarwch.
Drafftio a chyhoeddi cyfarwyddiadau prisio; adolygu adroddiadau prisio, a chyfleu gwerth/cynigion arfaethedig i ymgeiswyr.
Rheoli portffolio o achosion byw gan amrywiaeth o wasanaethau a chynlluniau, an fonitro a rheoli cysylltiadau yn unol â gweithdrefnau ac yn unol â chyfarwyddyd Rheolwr Gweithrediadau’r Gwasanaethau Eiddo. Bydd hyn yn cynnwys cysylltu â Busnesau, Lesddeiliaid, Ymgynghorwyr Ariannol Annibynnol, a Landlordiaid Cymdeithasol Cofrestredig yn rheolaidd.
- Hwyluso ceisiadau Landlordiaid Cymdeithasol Cofrestredig am fenthyciadau, anfon manylion achos cywir at y Landlordiaid, a chadarnhau’r awdurdod i fwrw ymlaen. Paratoi a chyflwyno papurau sancsiynu benthyciadau i'w cymeradwyo (gan gynnwys Diwydrwydd Dyladwy Cwsmeriaid) Cyfarwyddo, adolygu a chyhoeddi llythyrau cynnig benthyciad fel y bo'n briodol.
Cyfarwyddo cyfreithwyr y panel ar COT a “First Charge”. Adolygu a choladu dogfennau COT a “tâl cyntaf”, cyn eu cyflwyno i Reolwr Gweithrediadau’r Gwasanaethau Eiddo i'w cymeradwyo.
Datblygu a chynnal cysylltiadau â rhanddeiliaid proffesiynol, gan gynnwys Ymgynghorwyr Ariannol Annibynnol, Cyfreithwyr, Priswyr, Landlordiaid Cymdeithasol Cofrestredig, a Syrfewyr Meintiau.
Cydlynu’r Gwaith Cwblhau – Cwblhau hysbysiadau tynnu i lawr, gwaith cyfreithiol, DDR a chwiliadau adolygu.
Rheoli Prosesau ar ôl Cwblhau - Llunio a chydlynu hysbysebion cwblhau, trefnu i dalu am brisio, Ymgynghorwyr Ariannol Annibynnol, a ffioedd cyfreithiol drwy BACS. Gwirio Cofrestrfa Tir EM er mwyn sicrhau bod diogelwch wedi’i gofrestru’n briodol.
Darparu gwasanaeth cywir, cwrtais, brwdfrydig a phroffesiynol i’r holl randdeiliaid allanol a mewnol, ac ymateb yn briodol i bob ymholiad a dderbynnir drwy’r wefan, e-bost a ffôn.
Bod yn bendant wrth wneud penderfyniadau, cymryd cyfrifoldeb, a bod yn barod i ymdrin â sgyrsiau anodd gyda chwsmeriaid mewnol ac allanol.
Sicrhau bod dogfennau cyfreithiol yn cael eu cwblhau, a bod yn ymwybodol o ofynion rheoleiddio priodol fel rhan o’r gwaith parhaus o reoli achosion.
Datblygu a chynnal gwybodaeth dechnegol sy’n benodol i’r diwydiant er mwyn sicrhau arferion gorau a chydymffurfiaeth mewn gweithgareddau buddsoddi.
Mynd ati’n rhagweithiol i fonitro ceisiadau drwy lunio adroddiadau trylwyr. Diweddaru cofnodion yn unol â hynny er mwyn sicrhau bod lefelau cywirdeb yn cael eu cynnal ar y system rheoli cofnodion cleientiaid, gan adrodd yn ôl i’r Rheolwr Gweithrediadau’r Gwasanaethau Eiddo os oes unrhyw broblemau yn codi.
Ymgymryd ag unrhyw dasg arall a ddiffinnir gan Reolwr Gweithrediadau’r Gwasanaethau Eiddo er mwyn bodloni anghenion gweithredol y Gwasanaethau Eiddo.
Yn unol â’r galw, bydd gofyn i’r ymgeisydd llwyddiannus gyfuno ei lwyth gwaith â chynlluniau eraill fel HtBW, GBLS a LSS.
Ystyried a bod yn ymwybodol o Ddyletswydd Defnyddwyr yr Awdurdod Ymddygiad Ariannol bob amser, a hynny er mwyn sicrhau ein bod yn cael canlyniadau da i’n cwsmeriaid drwy ymddwyn yn ddidwyll, osgoi niwed y gellir ei ragweld, a chefnogi a galluogi ein cwsmeriaid i gyflawni eu hamcanion ariannol.
Sicrhau bod ein cwsmeriaid sy’n agored i niwed yn cael eu trin yn deg, a bod ein cynnyrch a’n gwasanaethau yn diwallu anghenion y cwsmeriaid hynny.
