Diweddariad pwysig: newidiadau i geisiadau ar-lein  - Os nad ydych wedi dechrau neu gwblhau eich cais eto, adolygwch y wybodaeth sydd wedi'i diweddaru i osgoi unrhyw aflonyddwch os gwelwch yn dda. Darllen mwy

Amyneddgar
Cyfalaf amyneddgar i helpu eich busnes i ffynnu
Hyblyg
Sector agnostaidd gydag amrywiaeth o opsiynau ariannu
Cefnogol
Partner strategol sy'n cymryd cyfran leiafrifol ac a all eich helpu i adeiladu gwerth yn eich busnes
Dibynadwy
Gwnaed buddsoddiadau mewn dros 200 o gwmnïau technoleg arloesol

Pwy ydym ni a beth sy'n ein gwneud ni'n wahanol?

Mae Banc Datblygu Cymru yn fuddsoddwr sefydliadol profiadol sy'n darparu cyfalaf hadau a menter ar gyfer cwmnïau technoleg arloesol yng nghyfnod cynnar ar draws ystod amrywiol o sectorau.

Rydym yn buddsoddi cyn-hadu hyd at Gyfres A a thu hwnt, o brawf o gysyniad hyd at ehangu ac ymadael.


(*Ffigurau o 1 Ebrill 2017 i 17 Mehefin 2025)

Dull gweithredu hirdymor

Ffocws masnachol cryf gyda chyfalaf hirdymor ac amyneddgar i helpu busnesau i ffynnu. Rydym bob amser yn cymryd cyfran leiafrifol a gallwn ariannu sawl rownd, gan ganolbwyntio ar weithio gyda'r bwrdd i greu gwerth parhaol dros enillion tymor byr.

Cymorth parhaus

Rydym yn buddsoddi fel partner strategol gydag arbenigedd 'cynhwysfawr' i'ch helpu gyda heriau allweddol gan gynnwys adeiladu eich tîm rheoli a'ch bwrdd, llywodraethu a strategaeth creu gwerth.

Rhwydwaith helaeth

Rydym yn darparu cyfleoedd cyd-fuddsoddi trwy ein rhwydwaith mawr o angylion, syndicetiau, VCs a buddsoddwyr masnach. Hefyd cysylltiadau allweddol â'r byd academaidd, gwasanaethau proffesiynol ac fel partner buddsoddi Innovate UK.

Profiad dibynadwy

Buddsoddwr blaenllaw yn y DU gyda dros ddegawd o brofiad technoleg a hanes cryf gyda chwmnïau newydd, cwmnïau deillio a busnesau technoleg cyfnod cynnar ar draws sawl sector.

Beth allwn ni ei gynnig?

Gallwn gynnig cyllid ecwiti i fusnesau Cymru o gyfnod cyn-hadu i Gyfres A, gan gynnwys:

  • Cyllid cychwynnol i gefnogi'r lansiad
  • Ecwiti i ariannu costau ymchwil a datblygu cyn refeniw
  • Cyd-fuddsoddiad gan gwmnïau Cyfalaf Mentrau, syndicetiau, angylion ac unigolion â gwerth net uchel
  • Cysylltiadau profiadol i gryfhau timau rheoli a'r bwrdd
  • Benthyciadau a phecynnau ecwiti i ariannu camau diweddarach ymchwil a datblygu
  • Buddsoddiad dilynol i helpu i gyrraedd cerrig milltir allweddol
  • Diwydrwydd dyladwy proffesiynol sy'n eich paratoi ar gyfer rowndiau buddsoddi yn y dyfodol
  • Cewch fynediad yma at ein tîm buddsoddi arbenigol a all eich cefnogi a’ch arwain drwy gydol y broses


I ddarganfod ble mae eich busnes ar y raddfa o fusnesau sydd wedi dechrau o’r newydd, a sut y gallwn ni eich helpu chi, gallwch glicio ar bob un o'r camau drwy'r bariau isod i gael rhagor o wybodaeth.

 

Taith fuddsoddi wedi'i chefnogi

Cyfnod y buddsoddiad
Arian rydyn ni'n ei fuddsoddi
Mae’r cam cyn-sbarduno fel arfer yn cynnwys busnesau cynnar iawn, sydd â phrototeip neu gyflwyniad cynnar, neu sydd angen dilysu technegol. Mae buddsoddiad sbarduno i gefnogi datblygiad ac adeiladu ar eich cynnyrch hyfyw lleiaf (CLlH) ac ymchwil a datblygu i alluogi cynnyrch i fod yn addas i'r farchnad a thyniant cynnar.
 Mae cyllid Cyfres A i gyflymu eich twf ac fel arfer dyma'r rownd gyntaf o gyllid cyfalaf menter y byddai busnes yn ei gymryd.
Cyllid sbarduno
Cyfalaf menter
Cyllid sbarduno
Cyfalaf menter

Mathau o fuddsoddiad

Mae cyllid sbarduno yn fath o gyllid ecwiti a ddefnyddir gan gwmnïau yn eu camau cynnar iawn i'w helpu i fasnacheiddio eu cynhyrchion neu dechnolegau a'u dwyn i'r farchnad.

Am ragor o wybodaeth am gyllid sbarduno, cliciwch yma.

Mae cyfalaf menter (CM) yn fath o gyllid ecwiti lle mae cyfalaf yn cael ei fuddsoddi yn gyfnewid am ecwiti, fel arfer cyfran leiafrifol, mewn cwmni sy'n edrych yn barod am dwf sylweddol. Gelwir person sy'n gwneud y buddsoddiadau hyn yn gyfalafwr menter.

Yn dechnegol, mae cyfalaf menter yn fath o ecwiti preifat. Ond fel arfer defnyddir y term 'ecwiti preifat' i olygu buddsoddiadau a wneir mewn busnesau mwy aeddfed gan gwmnïau EP.

Am ragor o wybodaeth am gyfalaf menter, cliciwch yma.

Ochr yn ochr â'n cyllid ni, mae gennym hefyd rwydwaith o fuddsoddwyr angel o'r enw Angylion Buddsoddi Cymru a all helpu busnesau i ddod o hyd i'r buddsoddiad ariannol sydd ei angen ar gyfer twf. Yn ogystal â buddsoddiad, gall ein hangylion busnes ychwanegu gwerth at eu buddsoddiadau trwy ddarparu sgiliau a chysylltiadau sy'n deillio o flynyddoedd o brofiad.

Mae rhagor o wybodaeth am Angylion Buddsoddi Cymru ar gael yma.

 

Sut allwn ni helpu eich busnes?

Cliciwch ar y ddolen berthnasol isod i gael gwybod mwy am sut y gallwn eich helpu.

Cyllid sbarduno

Rydym yn cynnig cyllid sbarduno trwy fuddsoddiadau ecwiti i gwmnïau technoleg newydd sydd wedi'u lleoli yng Nghymru.

Dysgwch fwy

Cyfalaf menter

Gallwn ddarparu benthyciadau a buddsoddiad ecwiti i fusnesau technoleg Cymru sydd wedi hen ennill eu plwyf.

Dysgwch fwy

Sylfaen gwybodaeth busnes technoleg newydd

Mae gennym dîm buddsoddiadau menter technoleg (BMT) pwrpasol sy'n edrych ar fuddsoddi mewn busnesau newydd ym maes technoleg yng Nghymru.

Cwrdd â'r tîm

 

Mae'r Banc Datblygu yn fuddsoddwr lleiafrifol - mae hyn yn golygu y byddwn bob amser yn dal llai na 50% o ecwiti'r cwmni (fel arfer yn sylweddol llai na 50%).

Fel buddsoddwr cyfalaf amyneddgar hirdymor, gallwn fuddsoddi rowndiau lluosog yn yr un cwmni o’r cam hadu / sbarduno i Gyfres A. Mae buddsoddiad dilynol yn dibynnu ar gwmni yn cyrraedd y cerrig milltir a nodwyd ar adeg y buddsoddiad.

Rydym yn buddsoddi cyn y cyfnod hadu neu sbarduno drwodd i Gyfres A - prawf ategol o gysyniad hyd at ehangu. Rydym yn nodweddiadol yn buddsoddi rhwng £100,000 a £350K ar gyfer hadau a mwy na £5 miliwn mewn busnesau mwy aeddfed.

 

Rydym yn sector agnostig ac yn hoffi amrywiaeth. I ni, mae'n ymwneud yn fwy ag ansawdd y cynnig na'r sector.

Mae gennym bortffolio cynyddol o gwmnïau technoleg ar draws ystod o sectorau o'r Gwyddorau Bywyd, Technoleg Ariannol,  TechDwfn, Meddalwedd Menter, Technoleg Meddygol, Rhan-Drawsgludyddion a Meddalwedd fel Gwasanaeth.

Gallwch ddarganfod mwy yn ein hadran portffolio yn gynharach ar y dudalen hon.

Rydym yn cefnogi busnesau neu gwmnïau Cymreig sydd wedi'u lleoli yng Nghymru, ond byddwn hefyd yn buddsoddi mewn busnesau sy'n fodlon adleoli i Gymru yn y dyfodol agos. Gallwch drafod hyn gyda'n tîm wrth wneud cais.

Pan fyddwn yn buddsoddi, bydd gennym hawliau buddsoddwyr sydd â’r bwriad o ddiogelu ein sefyllfa drwy roi llais i ni ar nifer o benderfyniadau pwysig. Mae'r hawliau caniatâd hyn yn arferol ar gyfer unrhyw drafodiad ecwiti.

Ar ôl buddsoddi, byddwn yn mynychu cyfarfod y bwrdd fel sylwedydd bwrdd, a gallwn benodi cyfarwyddwr anweithredol (CAn). Mae gan bob CAn gyfrifoldeb ymddiriedol a chyfreithiol i weithredu er lles gorau'r cwmni ac i gynrychioli pob cyfranddaliwr. Penodir y CAn gan y Bwrdd a bydd unrhyw ffi yn cael ei gytuno rhwng y cwmni a'r unigolyn.

Rydym yn darparu opsiynau ariannu hyblyg yn dibynnu ar ofynion y cwmni. Mae cwmnïau cyfnod cynnar nodweddiadol yn seiliedig ar ecwiti; fodd bynnag rydym yn cynnig benthyciadau a buddsoddiadau ecwiti ar gyfer busnesau mwy sefydledig a chylchoedd ariannu dilynol. Mae'r dull gweithredu hyblyg hwn yn ein galluogi i gefnogi'ch busnes trwy gamau twf amrywiol.

Ydym. Rydym yn cynnig buddsoddiad cyllid sbarduno (ecwiti) i gwmnïau technoleg newydd, cwmnïau sy’n deillio o brifysgolion, a chwmnïau sy’n gyfoethog mewn eiddo deallusol. Mae hyn yn eu helpu i fasnacheiddio eu cynhyrchion a'u technolegau, gan droi syniadau arloesol yn atebion parod i'r farchnad. Ein nod yw cefnogi mentergarwyr â gweledigaeth yn y camau cynharaf, gan ddarparu'r cyllid hanfodol sydd ei angen i roi hwb iddynt ar ddechrau eu taith.

Byddem bob amser yn argymell bod rheolwyr a sylfaenwyr yn cael eu cyngor ariannol cyfreithiol a chorfforaethol annibynnol eu hunain i gynrychioli eu buddiannau.

Mae ein dogfennaeth fuddsoddi yn seiliedig ar safonau diwydiant derbyniol drwy’r Gymdeithas Cyfalaf Menter Prydain ond byddant yn cael eu teilwra i drafodiad penodol lle bo'n briodol.