Banc Datblygu Cymru yn dathlu gwobrau Great Place to Work

Mae Banc Datblygu Cymru wedi cael ei enwi fel un o Weithleoedd Gorau'r DU ar gyfer 2025 yn ôl Great Place To Work – yr awdurdod byd-eang ar ddiwylliant gweithleoedd.

Wedi'i ystyried yn safon aur gwobrau cyflogwyr, caiff Lle Gwych i Weithio ei asesu trwy werthuso adborth gweithwyr ar ymddiriedaeth a datblygiad, yn ogystal â'u profiadau o arloesi, gwerthoedd y cwmni ac arweinyddiaeth. Dim ond y sefydliadau hynny sy'n cyflawni sgoriau uchel ar ôl gwerthuso sy'n derbyn statws y Gweithleoedd Gorau. Mae hefyd yn caniatáu i'r Banc Datblygu symud tuag at gyflawni safle ar restr nodedig Gweithleoedd Gorau'r DU.

Hefyd, enillodd y Banc Datblygu Gwobr Great Place to Work ar gyfer Datblygu, sy'n tynnu sylw at gwmnïau sy'n gwneud datblygu gweithwyr yn rhan allweddol o'u diwylliant, gan gynnig cyfle i weithwyr wella eu hunain, dysgu sgiliau newydd, a gwneud cynnydd.

Mae canlyniadau’r Banc Datblygu yn dangos bod 90% o’i weithlu yn falch o weithio i’r cwmni, ac mae 88% yn credu ei fod yn lle gwych i weithio – o’i gymharu â’r ffigur cyfartalog o 54% o weithwyr mewn cwmni nodweddiadol yn y DU.

Roedd meysydd eraill lle dangosodd y Banc Datblygu ei gryfderau o'i gymharu â'r sefydliadau gorau yn ei ddosbarth yn cynnwys ethos gofalgar a balchder y cwmni.

Dywedodd Giles Thorley, Prif Weithredwr Banc Datblygu Cymru: "Rydym yn falch iawn o gael ein cynnwys yn Rhestr Gweithleoedd Gorau'r DU, sy'n dangos faint o ffocws rydym yn ei roi ar ddatblygiad a phrofiad ein cydweithwyr.

“Mae ein gwerthoedd fel gweithle wedi’u seilio ar gydweithio clyfar, egni mentergarol, empathi gwrthrychol a chyfrifoldeb ymwybodol. Er ein bod ni bob amser wedi bod yn falch o sut rydyn ni’n gweithredu ar y gwerthoedd hynny, mae’n wych ein bod ni wedi cael cymeradwyaeth mor gryf gan Great Place To Work.”

Benedict Gautrey , Rheolwr Gyfarwyddwr Great Place To Work UK: “Flwyddyn ar ôl blwyddyn, mae’n wirioneddol ysbrydoledig gweld nifer gynyddol o sefydliadau’n ennill lle ar ein Rhestr Gweithleoedd Gorau’r DU™. Rydym wedi gweld cynnydd unwaith eto yn sgoriau Mynegai Ymddiriedaeth sy’n golygu bod y safon wedi’i chodi ac mae’r achrediad hwn yn gamp arwyddocaol ac aruthrol.

“Mae Gweithleoedd Gorau’r DU i gyd yn rhagori wrth greu profiadau gwych yn gyson i bob gweithiwr drwy feithrin lefelau uchel o ymddiriedaeth, balchder a chyfeillgarwch. Mae’r elfennau hanfodol hyn gyda’i gilydd yn cyfrannu at greu diwylliannau lle mae gweithwyr yn teimlo y gallant fod yn nhw eu hunain go iawn a ffynnu mewn amgylchedd cefnogol a gofalgar.

“Llongyfarchiadau i Fanc Datblygu Cymru am ennill lle ar ein Rhestr Gweithleoedd Gorau’r DU™ 2025.”

Mae ei bencadlys wedi ei leoli yn Wrecsam ac mae'r Banc Datblygu yn cyflogi 288 o bobl yng Nghymru. Ers 2017, mae wedi buddsoddi £844 miliwn mewn busnesau bach a chanolig yng Nghymru, wedi denu £573 miliwn pellach mewn cyd-fuddsoddiad ac wedi darparu £367 miliwn drwy Gymorth i Brynu Cymru am gyfanswm effaith economaidd o £1.78 biliwn ar economi Cymru.