Mae cwmni addysg awyr agored yn gwbl ddiogel yn ei bencadlys newydd yn Llangollen

Mae cwmni addysg awyr agored 'Safe and Sound Outdoors wedi cwlbhau’r gwaith adnewyddu ar yr hen gangen o HSBC yn Llangollen.

Gyda saith aelod o staff, sefydlwyd Safe and Sound gyntaf gan y Cyfarwyddwr Craig Forde yn 2007. Mae'r cwmni'n cynnig amrywiaeth o weithgareddau antur awyr agored gan gynnwys rafftio dŵr gwyn, cerdded ceunentydd, dringo creigiau a bygod afon. Mae eu cleientiaid corfforaethol yn cynnwys Cyngor Sir Amwythig a BT. Mae rhaglenni addysg awyr agored hefyd yn cael eu darparu ar gyfer plant gofal preswyl.

Mae benthyciad o £150,000 gan Fanc Datblygu Cymru bellach wedi galluogi'r cwmni i adnewyddu'r adeilad newydd yn llawn ar Stryd y Bont a chreu saith ystafell wely i'w gosod, ystafelloedd dosbarth penodedig, siop goffi a chanolfan awyr agored gydag ystafelloedd newid, cawodydd ac ystafelloedd storio offer.

Meddai'r Cyfarwyddwr Craig Forde: "Mae ein cwsmeriaid partion stag a nosweithiau iâr yn dal i fod mor boblogaidd ac erioed ond yn ystod y blynyddoedd diwethaf rydym wedi arallgyfeirio ein cynnig i gwsmeriaid. Rydyn ni nawr yn darparu pecynnau hyfforddi a datblygu pwrpasol ynghyd â Gwobrau Dug Caeredin.

"Roedd yn esblygiad naturiol i fod yn berchen ar ein safle ein hunain a chael y gofod i ddarparu llety i westeion felly roeddem wrth ein bodd ein bod wedi gallu prynu'r hen gangen o'r HSBC pan gododd y cyfle. Mae ein cartref newydd wedi'i leoli'n berffaith ochr yn ochr a’r Afon Dyfrdwy ac erbyn hyn rydym yn gallu cynnig llety ar y safle ynghyd â siop goffi annibynnol ardderchog sydd ar gael i bawb.

"Mae'r arian cyllido gan y banc datblygu wedi gwneud byd o wahaniaeth; ni allem fod wedi cwblhau'r gwaith adnewyddu na chreu'r gofod newydd heb eu cymorth. Mae eu hymagwedd hyblyg, y ffaith eu bod yn gwneud penderfyniadau yn gyflym ac yn darparu cymorth rhagweithiol yn golygu ein bod ni bellach yn barod ar gyfer y cam nesaf ar ein taith, gan gwrdd â disgwyliadau cwsmeriaid a rhagori arnynt. Gyda chymorth ein hadeiladwyr, G Construction a'n dylunydd Hannah o Rosehip ac Ink rydym wedi gwireddu ein breuddwydion."

Mae Chris Hayward yn Swyddog Buddsoddi gyda Banc Datblygu Cymru. Ychwanegodd: "Gyda Gogledd Cymru yn prysur ddod yn brifddinas twristiaeth antur Ewrop, mae gan Ogledd Cymru bortffolio o'r radd flaenaf o ddarparwyr gweithgareddau awyr agored llawn tân ac adrenalin. Safe and Sound Outdoors yw'r cwmni antur awyr agored y mae pawb yn tueddu i droi atynt yn yr ardal.

"Mae hwn yn sector cyffrous sy'n cynnig potensial mawr a dyna pam rydym yn cefnogi Safe and Sound Outdoors. Mae'r cwmni wedi perfformio'n dda dros y blynyddoedd diwethaf gyda chynnydd cyson mewn gwerthiant ac elw. Bydd ein harian nawr yn galluogi twf pellach yn sgil adnewyddu'r adeiladau sy'n addas ar gyfer y pwrpas ac sy'n gallu denu mwy o fusnes. Dymunwn bob llwyddiant i Craig a'r tîm."