Rydyn ni'n rhannu straeon trydydd parti perthnasol ar ein gwefan ni. Ysgrifennwyd a chyhoeddwyd y datganiad hwn gan Space Forge.
Mae Space Forge yn datblygu lloerennau y gellir eu dychwelyd yn llawn sydd wedi'u cynllunio ar gyfer gweithgynhyrchu deunyddiau gwych cenhedlaeth nesaf yn y gofod.
- Mae Space Forge yn gwmni newydd o Gaerdydd sy'n harneisio micro-ddisgyrchiant i leihau effaith carbon cynhyrchu uwch-ddeunydd - gan gynhyrchu'r deunyddiau hyn yn orbit y ddaear mewn lloerennau dychweladwy.
- Mae buddsoddwyr yn cynnwys World Fund, Type One Ventures a SpaceFund, gan gydnabod potensial byd-eang platfform dychweladwy Space Forge ar gyfer gweithgynhyrchu yn y gofod i leihau allyriadau CO2 a buddsoddwyr presennol Banc Datblygu Cymru
- Daw rownd sbarduno $10.2 miliwn wrth i Space Forge anelu at lansio hyd at ddwy daith y flwyddyn nesaf
DU. Rhagfyr 20fed, 2021. Mae Space Forge wedi cau rownd sbarduno mwyaf erioed Ewrop ar gyfer cwmni technoleg gofod; codi $10.2 miliwn. Cyrhaeddodd y rownd a ordanysgrifiwyd, bedair gwaith y targed gwreiddiol gyda buddsoddiad o bob rhan o'r byd.
Nod Space Forge yw hyrwyddo ehangu'r farchnad micro ddisgyrchiant ar gyfer cymwysiadau ymchwil a datblygu premiwm trwy leihau'r rhwystrau rhag mynediad. Mae gweithgynhyrchu pwrpasol yn y gofod, ynghyd â dychweliad dibynadwy, yn galluogi Space Forge i drosoli buddion amgylchedd y gofod, sef: micro ddisgyrchiant, gwactod, a thymheredd, i greu cynhyrchion sy'n amhosibl eu gweithgynhyrchu ar y Ddaear. Mae'n canolbwyntio ar gynhyrchu deunyddiau a chynhyrchion sy'n cynnig lefelau newidiol o berfformiad ac effeithlonrwydd mewn seilwaith a systemau sy'n defnyddio pŵer - gan leihau effaith amgylcheddol cynhyrchu ar y ddaear i ddatgloi gwerth ac arloesedd newydd. Mae ymchwil yn awgrymu y gallai gweithgynhyrchu’r deunyddiau hyn yn y gofod leihau allyriadau CO2 75% – sy’n cyfateb i gael gwared ar yr holl geir petrol o’r DU.
Yn ddiweddar, cyhoeddodd Space Forge ei fod, ynghyd â phartneriaid, yn datblygu gwasanaeth o’r radd flaenaf sy’n cynnwys lansio a dychwelyd dosbarth bach newydd o gerbyd - y ForgeStar - y gellir ei ddefnyddio o lanswyr confensiynol i ddarparu gwasanaeth seilwaith yn y gofod sy’n gyflym, dibynadwy ac ail ddefnyddiadwy. Mae'r gwasanaeth dychweladwy hwn, a fydd yn galluogi ymchwil micro ddisgyrchiant yn ôl y galw, wedi derbyn contract $2.4m trwy Boost! Rhaglen, a gefnogir gan Asiantaeth Ofod y DU.
Gan dynnu sylw at yr awydd i fuddsoddi mewn gofod er lles - technoleg sy'n harneisio pŵer gofod i wella bywyd ar y ddaear - mae cyllid sbarduno arloesol Space Forge yn dod gan ddeiliaid portffolio blaengar sy'n cydnabod y potensial mewn darpar dychweladwy, ac ail-lansio Space Forge sy’n llwyfan lloeren gweithgynhyrchu yn y gofod a'r gallu y mae'n ei gynnig i weithgynhyrchu deunyddiau gwych cenhedlaeth nesaf.
Arweiniwyd y rownd ar y cyd gan SpaceFund a Type One o’r Unol Daleithiau, sy’n hyrwyddo arloesedd yn y gofod a thechnoleg flaengar, a World Fund o Berlin, cronfa Ewropeaidd newydd sy’n cefnogi cwmnïau sy’n arloesi ym maes technoleg hinsawdd.
Fe wnaeth cronfeydd eraill sy’n seiliedig yn yr UD, gan gynnwys SpaceVC , Starbridge Venture Capital, Quiet Capital, Kencoa Aerospace, Trousdale Ventures, Dylan Taylor, a FJ Labs hefyd gymryd rhan yn y rownd. Ymunwyd â nhw gan Newable Ventures - prif rwydwaith buddsoddi cyfnod cynnar y DU sy'n gweithio gyda chwmnïau aflonyddgar, a allai fod â thwf uchel, a George T. Whitesides o Virgin Galactic.
Bydd Space Forge yn defnyddio'r cyllid i gymryd y camau nesaf ar ei daith tuag at lansiad a dychweliad cyntaf ForgeStar . Un o agweddau mwy unigryw model busnes y cwmni yw'r gallu nid yn unig i gynhyrchu deunyddiau yn y gofod, ond y gallu cyflenwol y mae mawr ei angen i ddychwelyd y deunyddiau hynny o orbit heb ddefnyddio capsiwl abladol - gan wella'n sylweddol nodweddion dychwelyd o’r gofod a chynorthwyo adnewyddu.
Andrew Bacon, PST a chyd-sylfaenydd Space Forge: “Dros y tair blynedd diwethaf rydym wedi mynd â’n technoleg dychwelyd o ddyluniadau papur i galedwedd go iawn. Bydd y gefnogaeth hon gan ein buddsoddwyr yn rhoi hwb mawr i’n cynlluniau datblygu i arwain y ffordd wrth wneud i’r gofod weithio i ddynoliaeth.”
Joshua Western, Prif Weithredwr a chyd-sylfaenydd Space Forge: “Gwneud i’r gofod weithio i’r ddynoliaeth a’n planed fu ein nod erioed ac mae’r buddsoddiad hwn yn ein galluogi i adeiladu ein llwyfannau cenhedlaeth gyntaf ac ymgymryd â sawl cenhadaeth er mwyn cyflawni’r nod hwnnw. Megis dechrau yr ydym ni.”
Gweinidog Gwyddoniaeth George Freeman: “Mae’r buddsoddiad cychwynnol hwn o $10.2 miliwn yn Space Forge, cwmni newydd o Gymru, yn bleidlais enfawr o hyder yn sector gofod y DU sy’n tyfu’n gyflym – sydd bellach yn werth dros £16 biliwn.
“Mae gofod yn sector blaenoriaeth allweddol i’r Llywodraeth, fel y nodir yn ein Strategaeth Ofod Genedlaethol. Gyda lansiadau lloeren gyntaf y DU ar y trywydd iawn ar gyfer y flwyddyn nesaf a thwf cwmnïau technoleg gofod cyffrous fel Space Forge, rydym yn prysur ddod yn ganolbwynt byd-eang ar gyfer buddsoddi ac arloesi yn yr economi ofod.”
Paul Bate, Prif Weithredwr Asiantaeth Ofod y DU: “Rwyf wedi ymweld â Space Forge yng Nghaerdydd a gwnaeth yr egni crai, creadigrwydd a’r arloesedd gryn argraff arnaf. Yn amlwg mae buddsoddwyr rhyngwladol hefyd wedi’u plesio, gyda’r rownd fuddsoddi wedi ei gôr danysgrifio bedair gwaith a miliynau o bunnoedd wedi’u sicrhau i gefnogi’r cwmni ar gamau nesaf ei daith.
“Mae Space Forge yn dangos pam mai’r DU yw’r lle i fuddsoddi yn y gofod, ac yn dangos y cyfleoedd masnachol sylweddol sy’n deillio o dechnolegau fel gweithgynhyrchu mewn-orbit.”
Tarek Waked, Sylfaenydd Type One Ventures: “Mae Joshua ac Andrew yn profi bod yna werth gwirioneddol y gellir ei gynnig i ddynoliaeth trwy adeiladu cwmni gofod. Os oes gennych yr ewyllys, y gallu, a'r syniad, gall unrhyw un adeiladu cwmni gofod yn y 2020au, nid biliwnyddion yn unig. Allwn i ddim bod yn fwy balch o’r tîm yn Space Forge ac edrychaf ymlaen at weithio gyda nhw am amser hir iawn.”
Meagan Crawford, Partner Rheoli SpaceFund : “Mae SpaceFund bob amser yn chwilio am gwmnïau sydd nid yn unig â'r weledigaeth, ond sydd â'r galluoedd technegol a’r farchnad i gyflawni'r weledigaeth honno. Yn wahanol i lawer o’r cwmnïau gweithgynhyrchu yn y gofod eraill yr ydym wedi’u hadolygu, mae gan Space Forge y cyfuniad cywir o dechnoleg, y tîm ac amseriad y farchnad i roi elw sylweddol i fuddsoddwyr, tra’n helpu i achub yr amgylchedd.”
Dywedodd Daniel Višević, partner cyffredinol, Cronfa’r Byd / World Fund: “Fel y mae’r argyfwng lled-ddargludyddion byd-eang wedi’i ddangos i ni, mae gweithgynhyrchu’r deunyddiau datblygedig hyn yn hynod o galed a charbon-ddwys ond mae’r cydrannau bach hyn yn hanfodol i fywyd modern. Ond yn syml, nid oes neb arall wedi ceisio dod o hyd i ateb i hyn oherwydd ei bod yn broblem hynod gymhleth. Mae gan Andrew, Josh a thîm Space Forge ddull unigryw o ddatrys y broblem hon gan ddefnyddio potensial y gofod sydd hyd yma heb ei gyffwrdd. Y meddwl arloesol hwn sy’n hanfodol os ydym am frwydro yn erbyn yr argyfwng hinsawdd a lleihau allyriadau byd-eang.”
Giles Thorley, Prif Weithredwr Banc Datblygu Cymru: “Mae'r Banc Datblygu yn falch o fod yn bartner buddsoddi cychwynnol i Space Forge sydd wedi cefnogi'r tîm o'r cychwyn cyntaf i hybu ei uchelgeisiau twf. Mae'r buddsoddiad hwn yn cynrychioli sut y gellir harneisio TechDwfn / DeepTech ar gyfer cymwysiadau byd-eang tra'n dod â ni'n agosach at ddyfodol gwyrddach, mwy cynaliadwy. Rydym hefyd yn hapus bod Space Forge yn cyfrif Cymru fel ei chartref ac o weld yr arloeswr hwn o Gaerdydd yn dod yn gymaint o ysgogydd yn ecosystem arloesi Cymru.”
Gweinidog Economi Cymru, Vaughan Gething : “Mae gan Gymru hanes o gyflawni gweithgynhyrchu ac arloesi gwerth uchel sy’n rhoi clwstwr bywiog o arweinwyr yn y diwydiant gofod sy’n gweithredu yma mewn sefyllfa dda i ffynnu yn y sector hwn sy’n tyfu.
“Mae Space Forge yn enghraifft wych o’r math o gwmni arloesol, ystwyth a chynaliadwy rydym wedi ymrwymo i’w gefnogi. Rwy’n eu llongyfarch ar y rownd gyllido hon sydd wedi torri record.”
