Swyddog buddsoddiadau cynorthwyol BMT (SBC)

Pwrpas y swydd

Rôl SBC yw darparu cefnogaeth gyda thrafodion o'r dechrau i'r diwedd ar gyfer y Tîm BMT ehangach. Gan weithio'n agos ochr yn ochr â Swyddogion Buddsoddi / Uwch Swyddogion Buddsoddi a Rheolwyr Cronfa, rhoddir cyfle i'r SBC arwain ar rai agweddau ar drafodion BMT, gan gynnwys cau rhai bargeinion BMT llai, ar ôl cael hyfforddiant. Bydd y rôl hefyd yn cynnwys monitro asedau portffolio BMT a thasgau cysylltiedig, a darparu cefnogaeth ar hap fel bo'r angen.

Bydd gan ddeiliad y swydd sgiliau rhyngbersonol datblygedig, gyda diddordeb amlwg mewn buddsoddi mewn technoleg, sylw i fanylion a dull ymarferol rhagweithiol.

Byddem yn disgwyl i'r ymgeisydd ddatblygu i fod yn Swyddog Buddsoddi, fel arfer o fewn cyfnod o 2-3 blynedd, yn dibynnu ar brofiad.

Prif ddyletswyddau a chyfrifoldebau (yn annibynnol a / neu dan oruchwyliaeth)

Bydd angen i SBC BMT:-

• ddarparu cefnogaeth trafodion i Swyddogion Buddsoddi / Uwch Swyddogion Buddsoddi / Rheolwyr Cronfa yn nhîm BMT i gynorthwyo wrth asesu a chwblhau cyfleoedd buddsoddi newydd;
• gymryd rhan yn y broses o drafod termau masnachol a'u trosi i daflenni term amlinellol / gyfarwyddiadau cyfreithiol / dogfennaeth fuddsoddi;
• gysylltu â darparwyr diwydrwydd dyladwy allanol, cwmpasu aseiniadau gwaith a thrafod gwerth gorau am arian i gleientiaid.
• Ar ôl cyfnod cychwynnol o hyfforddiant, byddai disgwyl i SBC allu ‘cau’ buddsoddiadau llai gyda goruchwyliaeth gan uwch gydweithwyr.
• Dod o hyd i gyfleoedd buddsoddi BMT yn weithredol trwy gynnal cysylltiadau a rhwydweithiau gyda chyflwynwyr a chyfryngwyr busnes allweddol, gan fynychu digwyddiadau rhwydweithio yn ôl yr angen
• Cyfrannu at farchnata / hyrwyddo Banc Datblygu Cymru.

Mae cyfrifoldebau eraill yn cynnwys: -

Buddsoddiad

• Mynychu cyfarfodydd gyda chleientiaid a chyfryngwyr i hyrwyddo buddsoddiadau BMT llwyddiannus.
• Sgrinio ceisiadau yn ystod y camau cychwynnol. Ymgymryd ag ymchwil er mwyn gwneud asesiad ac ymateb yn ffurfiol i gleientiaid wrthod neu ofyn am wybodaeth bellach os oes angen.
• Cynorthwyo gyda pharatoi papurau cryno ac adroddiadau sancsiynu a chyflwyno achosion buddsoddi i'w sancsiynu.
• Adolygu modelau ariannol a chynorthwyo gyda dadansoddiad ariannol, gan gynnwys awgrymu a chynnal dadansoddiadau sensitifrwydd ar gyfer cyfleoedd buddsoddi newydd a phresennol.
• Cynnal diwydrwydd dyladwy masnachol, ariannol, rheolaethol a thechnegol wrth ystyried cyfleoedd buddsoddi.
• Bod yn bendant wrth wneud penderfyniadau, cymryd cyfrifoldeb a bod yn barod i gael sgyrsiau a allai fod yn anodd gyda darpar gleientiaid / cleientiaid presennol.
• Cynnal a datblygu gwybodaeth am y diwydiant a deall arfer gorau mewn gweithgaredd buddsoddi.
• Lledaenu enghreifftiau o arfer gorau ar gyfer gwneud cais i'r Cronfeydd BMT i gyflwynwyr busnes allweddol a sicrhau bod y broses ymgeisio yn cael ei mireinio a'i gwella'n barhaus i ddarparu'r gwasanaeth gorau posibl i gleientiaid.

Rheoli Portffolio

• Cymryd cyfrifoldeb am reoli portffolio o fuddsoddiadau BMT.
• Cynnal cyswllt cymesur rheolaidd (misol yn nodweddiadol) â busnesau cleientiaid yn y portffolio i sicrhau dealltwriaeth gyfoes o'u hamgylchiadau a meithrin perthnasoedd cynhyrchiol â'r rheolwyr. Bydd y strategaethau cyswllt yn cael eu teilwra i amgylchiadau'r busnes dan sylw.
• Gwneud y gorau o goladu data DPA cywir gan fusnesau portffolio yn amserol, gan gynnwys ysgrifennu adroddiadau / diweddaru dangos fyrddau yn dilyn cyfarfodydd cleientiaid.
• Defnyddio matrics risg i argymell graddfa perfformiad a deall pryd mae angen ei drosglwyddo i'r Tîm Risg perfformiad.
• Dangos gallu i ychwanegu gwerth i gwmnïau portffolio sy'n ychwanegol at rôl fonitro bur.

Cymorth Ychwanegol

• Goruchwylio'r broses o gwblhau tynnu'r buddsoddiad i lawr ar eich trafodion penodol, gan weithredu fel pwynt cymeradwyo cychwynnol, gan sicrhau bod yr holl amodau sancsiynu wedi'u bodloni.
• Rhoi arweiniad i Ddadansoddwr Cymorth Buddsoddi Tîm BMT CST.

Cwblhau tasgau ar hap fel bo'r angen fel y'u diffinnir gan y Swyddogion Buddsoddi, Uwch Swyddogion Buddsoddi, Rheolwyr Cronfa, neu Gyfarwyddwr y Gronfa i ddiwallu anghenion gweithredol tîm BMT.
 

Gwybodaeth, sgiliau, galluoedd a phrofiad

Hanfodol:

• Yn llawn cymhelliant gyda'r gallu i gymryd agwedd ragweithiol a gweithio'n effeithlon heb lawer o oruchwyliaeth.
• Yn gyffyrddus wrth ymdrin â gwaith sy'n sensitif i gleientiaid sy'n hanfodol i amser.
• Yn gallu canolbwyntio ar ganlyniadau. Y gallu i flaenoriaethu a threfnu llwyth gwaith a gweithio'n effeithiol o dan bwysau a chyrraedd targedau.
• Sgiliau cyfathrebu, dylanwadu a rhyngbersonol da. Y gallu i addasu eich dull gweithredu er mwyn meithrin perthnasoedd gwaith cynhyrchiol.
• Sgiliau datrys problemau.
• Sgiliau trefnu a gweinyddol cryf.
• Llygad graff am fanylion.
• Wedi ymrwymo i ddatblygu gwybodaeth ac arbenigedd mewn buddsoddi cyfalaf sbarduno / menter.
• Sgiliau cyflwyno rhagorol a lefel uchel o gymhwysedd gyda chynhyrchion safonol MS Office fel Word, PowerPoint ac yn benodol Excel.
• Sgiliau ymchwil cryf, gyda'r gallu i gymathu, hidlo a chadw llawer o wybodaeth yn gyflym.
• Yn gallu gweithio'n annibynnol ac fel rhan o dîm.
• Gradd wyddonol uwch a / neu gymhwyster proffesiynol.

Dymunol:

• Profiad buddsoddi cyfalaf sbarduno / menter blaenorol.
• Gwybodaeth a dealltwriaeth o amgylchedd buddsoddi technoleg cam cynnar.
• Gwybodaeth a dealltwriaeth o rôl y sector cyhoeddus ym maes cyllid busnesau bach a chanolig.
• Gwybodaeth a dealltwriaeth o'r amgylchedd Busnes yng Nghymru.
• Yn gallu siarad Cymraeg.

I wneud cais anfonwch eich ffurflen gais at: recriwtio@bancdatblygu.cymru

Ffurflen gais

Dyddiad cau 16 Medi